Թալիշների առաջնորդ Ֆահրադդին Աբոսզոդան Արցախի դեմ պատերազմից առաջ ձերբակալվել և արտահանձնվել էր Բաքվին, իսկ պատերազմից հետո բանտում խեղդամահ էր արվել: Նա պանթյուրքիստական գաղափարախոսության հակառակորդն էր, և նրա անվան հետ էր կապվում թալիշական ինքնավարության կամ անկախ պետության ստեղծման հնարավորությունը:
Ֆահրադդին Աբոսզոդա / © armmuseum
Երեք տարի առաջ Մոսկվայում ձերբակալվել ապա ադրբեջանական հատուկ ծառայությունների փոխանցվել ազգությամբ թալիշ գիտնական և հասարակական գործիչ Ֆահրադդին Աբոսզոդան:
Աբոսզոդան, ինչպես նշվում է, ձերբակալվել է Բաքվի (տեղեկատվության հեղինակի խոսքով` նացիստական) իշխանությունների կողմից տրամադրված կեղծ վճիռների հիման վրա: Մոսկվայում ընթացել է նրա դատավարությունը, ունեցել է փաստաբան, սակայն գործընթացը շուտով ընդատվել է, և Աբոսզոդային գիշերը, գաղտնի պայմաններում հատուկ չվերթով տեղափոխել են Բաքու:
Արցախյան 2-րդ պատերազմը սկսվել է նրան ադրբեջանական կողմին հանձնելուց անմիջապես հետո, իսկ, աղբյուրի համոզմամբ, «Շուշին ռուսների կողմից ադրբեջանցիներին վաճառելուց» և Փաշինյանի կողմից կապիտուլյացիան ստորագրելուց անմիջապես հետո` 2020թ. նոյեմբերի 9-ին, Աբոսզոդան բանտախցում խեղդամահ է արվել:
Նույն կերպ է կազմակերպվել նաև բլոգեր Ալեքսանդր Լապշինը ձերբակալությունը Մինսկում և արտահանձնումը Բաքվին: Նրա դիմաց, ինչպես հաղորդվում է, Ալիևը մեծ գումար է վճարել Բելառուսի ղեկավարին: Լապշինի տեղափոխման համար նույնպես հատուկ չվերթ է իրականացվել: Բաքվի բանտում հրեա բլոգերի սպանության փորձերից հետո, կարծես, որոշում է փոխվել` նրան ողջ թողնելու:
Համարվում է, որ Աբոսզոդայի հանձնումն Ադրբեջանին Արցախի դեմ պատերազմի նախապատրաստության ծրագրված միջոցառումների և Հայաստանին «ծախելու» հետ անմիջական կապ ունի: Մասնավորապես, ենթադրվել է, որ Թուրքիան շուտով դուրս է գալու ՆԱՏՕ-ից, իսկ Ալիևը կհամաձայնի անդամակցել ՀԱՊԿ-ին:
Հավելենք նաև, որ Ֆահրադդին Աբոսզոդան պանթյուրքիստական գաղափարախոսության հակառակորդն էր, և նրա անվան հետ էր կապվում Ադրբեջանի տարածքում թալիշական ինքնավարության և նույնիսկ անկախ պետության ստեղծման հնարավորությունը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…