Պատգամավորն առաջարկում է խնդիրներ ստեղծել Ադրբեջանի ղեկավարության համար

Թագուհի Թովմասյանը կոչ է արել Ադրբեջանի ռազմաքաղաքական ղեկավարության ներկայացուցիչներին ներգրավել որպես մեղադրյալներ` Հայաստանի ինքնիշխան տարածք ադրբեջանական զորքերի ներխուժման առիթով հարուցված քրեական գործերի շրջանակներում:

Նորություններ

# Ադրբեջան

# Թագուհի Թովմասյան

# Քրեական գործեր

ԱԺ հանձնաժողովի նիստ / © ՀՀ ԱԺ / Հեղինակ՝ անհայտ, լուսանկարը տրամադրել է օգտատերը

ՀՀ Ազգային ժողովի ընդդիմադիր «Պատիվ ունեմ» դաշինքի պատգամավոր Թագուհի Թովմասյանը կոչ է արել Ադրբեջանի ռազմաքաղաքական ղեկավարության ներկայացուցիչներին ներգրավել որպես մեղադրյալներ` Հայաստանի ինքնիշխան տարածք ադրբեջանական զորքերի ներխուժման առիթով հարուցված քրեական գործերի շրջանակներում:

Թովմասյանը խորհրդարանում հայտարարել է, որ հարցում է ուղարկել Գլխավոր դատախազություն` տեղեկություն ստանալու, թե ինչ քայլեր են ձեռնարկվում այդ կառուցի կողմից` կապված ՀՀ ինքնիշխան տարածք ադրբեջանցի զինծառայողների ներխուժման հետ:

Ընդդիմադիր պատգամավորը հիշեցրել է, որ երկրի Գլխավոր դատախազությունը 2020թ. պատերազմից հետո մի շարք քրեական գործեր է հարուցել:

Նրա խոսքով, սակայն, մեղադրյալների շարքում ադրբեջանական ռազմաքաղաքական ղեկավարության ներկայացուցիչներ չկան: Պատգամավորը հարցադրում է հնչեցրել. «Ինչո՞ւ: Ինչո՞ւ ենք խուսափում խնդիրներ ստեղծել Ադրբեջանի ռազմաքաղաքական ղեկավարության համար: Ինչո՞ւ միջոցներ չենք ձեռնարկում, որպեսզի Ադրբեջանի ղեկավարները զրկվեն ազատ տեղաշարժման հնարավորությունից: Ինչո՞ւ նրանց չենք վերաբերվում որպես հանցագործների: Ինչո՞ւ մինչ օրս նրանց նկատմամբ միջազգային հետախուզում չենք հայտարարել»:

Թագուհի Թովմասյանը նաև վստահություն է հայտնել, որ ներկայումս Հայաստանի տարածքից ադրբեջանական զորքերին «վռնդելու մեխանիզմը» գտնվում է Գլխավոր դատախազության ձեռքին:

Վրիպա՞կ գտաք։ Նշեք հատվածը և սեղմեք Ctrl + Enter։