Լիբիայի ազգային բանակի հրամանատար Խալիֆա Հաֆթարը հայտարարել է, որ լիբիական նավթին տիրելու Անկարայի բոլոր փորձերն անհաջողության են մատնվելու:
Լիբիայի ազգային բանակի հրամանատար Խալիֆա Հաֆթարի համոզմամբ՝ լիբիական նավթին տիրելու Անկարայի բոլոր փորձերն անհաջողության են մատնվելու: Ֆելդմարշալը, միաժամանակ, պատերազմ է հայտարարել Լիբիայում գտնվող թուրքական զորքերին՝ երկրի բոլոր ուժերին կոչ անելով պատրաստվել թուրքերի դեմ պատերազմի:
Զորահրամանատարի խոսքով՝ Լիբիայի տարածքում պատերազմը չի ավարտվի, քանի դեռ երկրում թուրք զինվորականներ կան: Ներկայումս Հաֆթարի ղեկավարած Լիբիական ազգային բանակը գրավել և վերահսկում է Ուբարի քաղաքը, որն ավելի վաղ լքել էին Ազգային համաձայնության կառավարության զորքերը:
Քաղաքն ունի առանցքային նշանակություն և գտնվում է Էշ-Շարար նավթային խոշորագույն հանքավայրի մոտակայքում: Կան տեղեկություններ, որ Հաֆթարի բանակի մարտիկներն արդեն մոտեցել են հանքավայրին: ԼԱԲ-ը շարունակում է իր առաջխաղացումը դեպի հյուսիս և արևելք: Չնայած Հաֆթարի հակառակորդներին Թուրքիան է հովանավորում, սակայն նրանք նահանջում են:
Հիշեցնենք, որ 2019թ. ապրիլին ԼԱԲ-ի հրամանատար, ֆելդմարշալ Խալիֆա Հաֆթարը հարձակում է սկսել Տրիպոլիի ուղղությամբ: Ազգային համաձայնության կառավարությունը համընդհանուր զորահավաք է հայտարարել և դիմել է Թուրքիայի օգնությանը: Ս.թ. սեպտեմբերին կողմերը վերադարձել են բանակցությունների՝ ՄԱԿ-ի միջնորդությամբ: Ներկայումս հակամարտությունում լուրջ առաջընթաց չի նշմարվում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…