Ամերիկացի պաշտոնյան, նկարագրելով Լեռնային Ղարաբաղի շուրջ զարգացումները, մեջբերել է Վրաստանի ԱԳՆ տեղակալներից մեկի խոսքերը, ըստ որի` Ադրբեջանն ի վերջո հայտնվելու է նույն վիճակում, որում ներկայումս Վրաստանն է:
Ջորջ Քենտը` Երևանում / © Gov.am
ԱՄՆ պետքարտուղարի Եվրոպայի և Եվրասիայի հարցերով օգնականի տեղակալ Ջորջ Քենտը հայտարարել է, որ, ԱՄՆ պետդեպարտամենտի պնդմամբ, Ռուսաստանը ձգտում է պահպանել հակամարտությունը Լեռնային Ղարաբաղում, այլ ոչ թե կարգավորել այն:
Ամերիկացի պաշտոնյան այս կարծիքը հնչեցրել է Վաշինգտոնում գործող «Թուրքական ժառանգություն» ոչ կառավարական կազմակերպության կողմից կազմակերպված առցանց սեմինարի ընթացքում ելույթ ունենալիս:
Քենտի խոսքով` ադրբեջանական իշխանությունների կողմից դժգոհություն է հասունանում ռուս խաղաղապահների` Լեռնային Ղարաբաղում երկարատև տեղակայման հեռանկարի պատճառով:
Միևնույն ժամանակ պետքարտուղարության պաշտոնյան, բնութագրելով Լեռնային Ղարաբաղի շուրջ զարգացումները, Ռուսաստանին մեղադրել է հակամարտությունը ձգձգելու մտադրության մեջ, ինչպես նաև մեջբերել է Վրաստանի ԱԳՆ տեղակալի (անունը չի նշվում) խոսքերը: Վերջինս նոյեմբերին հայտարարել էր, որ այդ իրավիճակում Վրաստանը գտնվել է 1998թ., ապա, նրա խոսքով, Ադրբեջանը հայտնվելու է այն իրավիճակում, որում հայտնվել է Վրաստանը 2008թ.:
Վրացի պաշտոնյան, Քենտի մեջբերմամբ, նաև ընդգծել է, որ Ադրբեջանն ի վերջո հայտնվելու է նույն վիճակում, որում ներկայումս Վրաստանն է:
Ջորջ Քենտի խոսքով` սա վատատեսական է, սակայն իրական պատկերն է, քանի որ Ռուսաստանը մանիպուլացնում է հակամարտությունը, թույլ չի տալիս, որպեսզի Հայաստանն ու Ադրբեջանն «առաջ շարժվեն», չի ձգտում կարգավորել խնդիրը` դրանից իր համար շահավետ արդյունքները ստանալու:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…