Ուսումնական գործընթացը չհետաձգելու համար վարչապետ Գեորգի Գախարիան կարգադրել է ուժեղացնել հսկողությունը: Ավելի վաղ առողջապահության նախարարը հայտարարել էր, որ աշնանը պացիենտների թվի ամենօրյա վիճակագրությունն աճելու է:
Վրաստանում վարակվածության աննախադեպ մեծ թիվ է գրանցվել / © Armeniatoday
Վրաստանում նախորդ օրը հաստատված կորոնավիրուսային վարակվածության դեպքերը՝ 38, ամռան ամիսներին գրանցված ռեկորդային թիվ են: Նրանցից 22-ը գրանցվել են Բաթումիում: Նախորդ օրն առողջացել է 17 մարդ:
Մինչ այդ օրական հաստատված դեպքերի ամենամեծ թիվը 17 էր, որը գրանցվել էր օգոստոսի սկզբին՝ Մեստիայի շրջանում: Այն հայտարարվել էր կարանտինային գոտի: Մինչ օրս ամենաբարձր ցուցանիշը Վրաստանում գրանցվել է ապրիլի 16-ին՝ վարակվածության 42 դեպք:
Մինչ օրս Վրաստանում լաբորատոր հետազոտությամբ արձանագրվել է Covid-19-ով վարակվածության 1548 դեպք: Առողջացածների ընդհանուր թիվը 1270 է: Մահացածների թիվը հասել է 19-ի: Մեկուսացված է 6059 քաղաքացի, բժիշկների հսկողության ներքո են գտնվում 239-ը:
Վարչապետ Գեորգի Գախարիան հայտարարել է, որ թեև վարակվածության հաստատված նոր դեպքերի թիվը մեծ է, սակայն ուսումնական գործընթացի հետաձգման անհրաժեշտություն չկա: Սակայն, Գախարիայի խոսքով, անհրաժեշտ է մոբիլիզացնել կրթության և առողջապահության նախարարությունները: Դասընթացները Վրաստանում նախատեսված է վերսկել սեպտեմբերի 15-ից:
Վրաստանի վարչապետը համապատասխան մարմիններին կոչ է արել խստորեն հետևել հակահամաճարակային կանոնների պահպանմանը՝ աշխատավայրում, ուսումնական հաստատություններում, տրանսպորտում, առևտրային կենտրոններում:
Ավելի վաղ Վրաստանի առողջապահության նախարար Եկատերինա Տիկարաձեն հայտարարել էր, որ աշնանը կորոնավիրուսային համաճարակի երկրորդ ալիք է սպասվում, և պացիենտների թվի ամենօրյա վիճակագրությունն աճելու է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…