Մեղրակիր մեղուների թույնը կրծքագեղձի քաղցկեղի բուժման հզոր միջոց կարող է լինել

Ավստրալիայի Հարի Փերքինսի անվան բժշկական հետազոտությունների ինստիտուտի գիտնականները հայտնաբերել են, որ մեղրակիր մեղվի թույնի բաղադրությունը կարող է օգտագործվել որպես կրծքագեղձի (կաթնագեղձ) քաղցկեղի դեմ «չափազանց հզոր զենք»: Բացահայտման հեղինակները Սիարա Դաֆիի գլխավորությամբ վերջին մի քանի տարվա ընթացքում ուսումնասիրում են մեղվի թույնի բուժական հնարավորությունները:

Ավելի վաղ գիտնականները պարզել էին, որ մեղվի թույնի որոշ պեպտիդներ ու սպիտակուցներ կարող են օգտագործվել դեղամիջոցը հեմատոէնցեֆալային արգելափակոցի միջով անցկացնելու համար: Սակայն Դաֆիի և նրա գործընկերների աշխատանքը կենտրոնացած է եղել մեղրակիր մեղվի թույնի ակտիվ բաղադրիչի՝ մելիթինի և այն բանի վրա, թե ինչպես այն կարող է բջիջները սպանել կրծքի քաղցկեղի կլինիկական տարբեր ենթատեսակների դեպքում:

Դաֆին նշել է, որ մեղրակիր մեղվի թույնը փորձարկել են կրծքի նոռմալ բջիջների և կրծքի քաղցկեղի կլինիկական ենթատեսակների բջիջների վրա: Հայտնաբերվել է, որ թույնի որոշակի խտությունը կարող է կիրառվել քաղցկեղային բջիջների 100%-անոց մահվան ինդուցավորման համար՝ այն դեպքում, երբ առողջներն էականորեն բարձր մակարդակի անվնաս են մնում: Դաֆիի խոսքով՝ մելիթինը 60 րոպեի ընթացքում լիովին ոչնչացնում է քաղցկեղային բջիջների մեմբրանները:

Գիտնականները մելիթինի աշխատանքի մի քանի ուշագրավ դիտարկում են կատարել: Խումբը հայտնաբերել է, որ 20 րոպեի ընթացքում միացությունն արգելափակում է ազդանշանային առանցքային ուղիներից մի քանիսը, որոնք օգտագործվում են քաղցկեղային բջիջների կողմից՝ աճի և գործունեության համար: Մելիթինի այդ ունակության բացահայտումն ամենակարևոր հայտնագործություններից էր: Սիարա Դաֆին նշել է, որ դա հրաշալի օրինակ է, թե ինչպես բնական միացությունները կարող են օգտագործվել մարդու հիվանդությունների բուժման համար:

Խումբը նաև ստեղծել է մելիթինի սինթետիկ կառուցվածքներ և փորձարկել է դրանք ընդդեմ քաղցկեղային բջիջների: Սինթետիկ մելիթինը գրեթե նույնքան արդյունավետ է եղել: Նրա գործառույթներից մեկն այն է, որ կարող է ծակել կրծքագեղձի քաղցկեղի բջջային մեմբրանը, ուստի գիտնականները հետազոտել են՝ հնարավո՞ր է այն համադրել քաղցկեղի բուժման գործող մեթոդների հետ, ինչպիսին են քիմիաթերապիական միջոցները: Նշվում է, որ սա հնարավորինս կհեշտացնի նրանց հասանելիությունը քաղցկեղային բջիջներին:

Գիտնականները հայտնաբերել են, որ մելիթինը կարելի է օգտագործել, օրինակ, դոցետաքսելի հետ՝ կրծքի քաղցկեղի բարձր ագրեսիվությամբ տեսակների բուժման համար: Դաֆիի խոսքով՝ մելիթինի և դոցետաքսելի համադրությունը չափազանց արդյունավետ է գտնվել մկների մոտ ուռուցքների աճի նվազման հարցում:

Հետազոտության հեղինակները շեշտել են, որ ուսումնասիրությունները դեռ սկզբնական փուլում են, սակայն կրծքագեղձի քաղցկեղի բուժման համար մեղրակիր մեղուների թույնի օգտագործման հեռանկարները խոստումնալից են:

Դա հատկապես վերաբերում է եռակի բացասական քաղցկեղին: Այն ախտորոշվում է հիվանդությամբ տառապողների 15%-ի մոտ, սակայն կրծքագեղձի քաղցկեղից մահացությունների 40%-ը հենց դրա պատճառով են: Մինչև վերջերս քաղցկեղի այդպիսի տեսակով տառապող պացիենտներին նշանակվել է միայն քիմիաթերապիա:

Էջանիշ

Պատճենել հղումը

Email

Տպել

Twitter

VK

Telegram