ՌԴ ԱԳՆ-ն հայտարարել է Աֆղանստանից փախստականների անվերահսկելի հոսքի վտանգի մասին: Պատճառն այդ երկրում սպասվող սովն է, իսկ Աֆղանստանը չի կարող ինքնուրույն ապահովել սննդամթերքի, դեղորայքի ու բուժսպասարկման իր պահանջները:
Արտաքին գործերի ռուսական խորհրդի գլխավոր տնօրեն Անդրեյ Կորտունովի խոսքով` Աֆղանստանում տեղի ունեցող իրադարձությունների հետևանքով փախստականների հետ կապված իրավիճակը լրջորեն կսրվի, եթե այնտեղ սոցիալ-տնտեսական վիճակն արագորեն վատթարանա:
Կորտունովը հիշեցրել է, որ արդեն մի շարք միջազգային կազմակերպություններ կարծիք են հայտնել, որ Աֆղանստանում սով է սպասվում, հատկապես եթե միջազգային դոնորների կողմից այդ երկրին մարդասիրական աջակցության ցուցաբերումը հապաղի: Աֆղանստանը, ինչպես նշել է, չի կարող ինքնուրույն ապահովել սննդամթերքի, դեղորայքի ու բուժսպասարկման պահանջները: Այդ պատճառով փախստականների հետ կապված իրավիճակի սրումը Կորտունովը խիստ հավանական է համարել:
Արտաքին գործերի ռուսական խորհրդի ղեկավարի դիտարկմամբ` Աֆղանստանից փախստականներն ավանդաբար դեպի հյուսիս ու հարավ են շարժվում, սակայն չի բացառել, որ նրանք ներթափանցեն նաև Կենտրոնական Ասիա:
Աֆղան փախստականների համար, ընդհանրապես, հիմնական ուղղությունը Պակիստանն է եղել, որտեղ ներկայումս միլիոնավոր աֆղաններ են բնակվում: Շիա աֆղանների համար արտագաղթի միակ ուղղությունն Իրանն է: Փախստականների հոսքի մի մասը հասնում է Թուրքիա, որտեղ վերջին տարիներին շուրջ 300 հազար աֆղան է հաստատվել:
Ինչպես այլ տարածաշրջաններից, այնպես էլ Աֆղանստանից փախչողների համար ամենացանկալի ուղղությունը Եվրամիությունն է, որտեղ քաղաքական ապաստան ստանալու համար մոտ 630-650 հազար աֆղան է դիմել: Կորտունովի համոզմամբ` այս ցուցանիշներն առաջիկայում կարող են կտրուկ աճել:
Ինչ վերաբերում է Կենտրոնական Ասիային, Կորտունովի կարծիքով` Տաջիկստանի հետ սահմանը շարունակելու է հզորացվել նաև հետագայում: Նա հնարավոր է համարել սահմանի հատման փորձերը, որոնք կարող են շատանալ:
Հավելենք, որ ՌԴ ԱԳՆ-ն այսօր հայտարարել էր Աֆղանստանից փախստականների անվերահսկելի հոսքի վտանգի մասին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…