Ադրբեջանը Հայաստանի դեմ տեղանվանական պատերազմ է սկսել
Բաքվի ավտոբուսներում ու մետրոյում տեղադրված մոնիտորների վրա ցուցադրվում են Հայաստանի բնակավայրերի անվանումները և դրանց ադրբեջանական տարբերակները:
Ադրբեջանում հակահայկական հերթական քարոզչությունն է մեկնարկել. Բաքվի հանրային տրանսպորտում Հայաստանի նկատմամբ ագրեսիայի դրսևորման մասին ֆեյսբուքյան իր էջում հայտարարել է հայտնի բլոգեր Ալեքսանդր Լապշինը:
Բլոգերը տեղի իր աղբյուրներից պարզել է, որ Բաքվի ավտոբուսներում ու մետրոյում տեղադրված մոնիտորների վրա ցուցադրվում են Հայաստանի բնակավայրերի անվանումները և դրանց ադրբեջանական տարբերակները:
Լապշինը, մասնավորապես, լուսանկար է հրապարակել, որտեղ ադրբեջանական հանրային տրանսպորտում գովազդվում է Վարդենիսի ադրբեջանական անվանումը: Նրա խոսքով` Վարդենիսը պարզապես մի օրինակ է. Երևանը, Վանաձորը, Էջմիածինը և Ստեփանավանը նույնպես ներկայացվում են որպես ադրբեջանական քաղաքներ` համապատասխան անվանումներով:
Հիշեցնենք, որ հայկական բնակավայրերն ադրբեջանական անուններով կոչելու պահանջի մասին հայտարարել էր Ադրբեջանի նախագահը` Քարվաճառում գտնվելիս լրագրողներին կոչ անելով «բնակավայրերն իրենց իսկական անուններով նշել»:
Մեկնաբանությունները