ՌԴ Դաշնային խորհրդի միջազգային հարցերի հանձնաժողովի նախագահի տեղակալի խոսքով` Հայաստանն ու Ադրբեջանը վաղ թե ուշ պետք է կարգավորեն հարաբերությունները և սկսեն բանակցություններ, իսկ ռուս խաղաղապահների ներկայությունը երաշխիք է ապագա հնարավոր արյունահեղությունների բացառման համար:
ՌԴ Դաշնային խորհրդի միջազգային հարցերի հանձնաժողովի նախագահի տեղակալ Վլադիմիր Ջաբարով ՀՀ վարչապետի պաշտոնակատար Նիկոլ Փաշինյանի` Մոսկվա կատարած այցի արդյունքների վերաբերյալ քննարկման ժամանակ անդրադարձել է տարածաշրջանային հարցերին, Արցախին, խաղաղապահներին, թուրք-ադրբեջանական գործողություններին վերաբերող մի շարք խնդիրների:
Ջաբարովը նշանակալից է համարել վերընտրված Փաշինյանի առաջին արտասահմանյան այցը հենց Մոսկվա` դա համարելով «բարի նշան»:
Սենատորի խոսքով` Հայաստանն ու Ադրբեջանը վաղ թե ուշ պետք է կարգավորեն հարաբերությունները և սկսեն բանակցություններ, վերականգնեն ցնցումների հետևանքները: Ռուս խաղաղապահների ներկայությունը, ինչպես նշել է, երաշխիք է ապագա հնարավոր արյունահեղությունների բացառման համար: Ջաբարովը նաև հույս է հայտնել, որ խաղաղապահներն Արցախում ընդմիշտ կմնան:
Ռուսաստանցի պաշտոնյան շեշտել է, որ ռուսական սահմանապահ ստորաբաժանումների տեղակայումը հայ-ադրբեջանական սահմանին իրականացվում է Հայաստանի և Ադրբեջանի համաձայնությամբ, և ցանկացած սադրանք, նրա համոզմամբ, կանխվելու է:
Խոսելով Ադրբեջանի տարածքում ռազմաբազա տեղակայելու Էրդողանի մտադրության մասին` Ջաբարովը նշել է, որ Ռուսաստանն այդ որոշանը խիստ բացասաբար է վերաբերվում: Նրա խոսքով` Մոսկվան բոլոր հնարավորություններն ունի Անկարայի վրա ճնշում գործադրելու համար, իսկ Թուրքիային թշնամի, հանձին Ռուսաստանի, պետք չէ:
Ջաբարովը հիշեցրել է, որ Թուրքիան երբեք Ռուսաստանի դաշնակիցը չի եղել: Թուրքիայի աշխարհաքաղաքական հետաքրքրությունները, նրա գնահատմամբ, ոչ միշտ են համընկնում Ռուսաստանի և Կովկասում նրա դաշնակիցների շահերի հետ:
Ռազմագերիների մասին խոսելիս ռուսաստանցի պաշտոնյան ընդգծել է, որ Ադրբեջանը հայ ռազմագերիների հանձնումն արհեստականորեն ձգձգում է` նրանց հանցագործներ ներկայացնելով: Սակայն Ջաբարովը վստահեցրել է, որ ռուսական կողմը ներդնում է բոլոր ջանքերը` խնդրի լուծման նպատակով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…