Վերջին օրերին մամուլում տեղեկություններ են տարածվում, թե Վիետնամում կորոնավիրուսի նոր, ավելի վտանգավոր տեսակ է հայտնաբերվել: Սակայն այն մեզ ծանոթ տարատեսակից ոչնչով չի տարբերվում:
Վիետնամում կորոնավիրուսային վարակի նոր դեպքերի վերաբերյալ մամուլում տարածվող տեղեկություններն ուսումնասիրելով հանգում ենք նրան, որ որոշ լրատվամիջոցներ խուճապ են տարածում՝ հաղորդելով, որ դա կորոնավիրուսի նոր, ավելի վտանգավոր տարատեսակ է կամ վիետնամական ջունգլիներում ծագած մահացու այլ վարակ, որը (վերջապես) կսպանի ողջ մարդկությանը:
Սակայն իրականում ոչ մի արտառոց բան տեղի չի ունեցել. Վիետնամում վիրուսի նոր բռնկում է տեղի ունեցել, ինչպես և եղել է տարբեր երկրների դեպքում: Դեռևս 15 դեպք է հաստատվել, սակայն վարակվածները մեկը մյուսի հետ կապված չեն, նույն վայրում չեն կամ միևնույն միջոցառման մասնակիցներ չեն: Ակնհայտ է, որ երկրում վիրուսը տարածվում է՝ ունենալով վարակի բազմաթիվ շղթաներ, որոնք մինչ այդ չեն նկատվել (հիշեցնենք, որ Covid-19-ի դեպքերի 80%-ն առանց ախտանշանների կամ թեթև է ընթանում):
Նշենք, որ կորոնավիրուսի առաջին բռնկման դեպքում Վիետնամը կարողացել էր հաջողությամբ հաղթահարել դժվարությունները. սահմանները փակվել էին մինչև վարակվածության առաջին դեպքի հաստատումը, կարանտին էին մտցրել: Դրանից հետո իշխանությունները կարողացել են հայտնաբերել վարակվածների մեծ մասին, մեկուսացնել՝ կանխելով վարակի լայն տարածումը: Դրա շնորհիվ՝ մինչ այս նոր դեպքերի գրանցումը շուրջ 100 օր Վիետնամում վարակվածության դեպք չի հայտնաբերվել:
Ինչ վերաբերում է «նոր տարատեսակին», ապա նշենք, որ այս կորոնավիրուսը Վիետնամում դեռ չէր գրանցվել: Այնտեղ կային 5 ենթատեսակներ, այժմ հայտնվել է նաև 6-րդը. սա բերովի դեպք է: Սակայն ոչ մի ավելի վտանգավորության կամ մահացության բարձր ցուցանիշի մասին խոսք չկա: Ընդհանրապես՝ աշխարհում գրանցված տարբեր ենթատեսակներից ոչ մեկի դեպքում ֆենտիպային երևույթներ են նկատվել: Այսինքն, թեև ենթատեսակները տարբերվում են միմյանցից մոտացիաներով, սակայն նույն ազդեցությունն ունեն:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…