Ինչո՞ւ Իրանը որոշեց զորավարժություն անել Արաքսի ափին
Մեծ քանակությամբ զրահամեքենաներ, ռազմական ուղղաթիռներ, կործանիչներ, անօդաչու թռչող սարքեր ու զինծառայողներ են տեղակայվել Խուդաֆերինի կամրջի հատվածում ու Ասլանդուզում: Համարվում է, որ սա պատասխան է Թուրքիայի ու Ադրբեջանի պահվածքին, Արցախի գրավմանը մասնակից Իսրայելին:
Մամուլում և փորձագիտական շրջանակներում վերջին օրերին քննարկման կարևոր թեմաներից է Իսլամական հեղափոխության պահապանների կորպուսի և բանակի ստորաբաժանումների լայնածավալ զորավարժության համար զինտեխնիկայի տեղափոխումը դեպի երկրի հյուսիս՝ Արաքս գետի ափը:
Որտե՞ղ են անցկացվելու զորավարժությունները
Զորավարժությունների հիմնական վայրը, ըստ պարսկական աղբյուրների, Ադրբեջանի հետ սահմանակից շրջանն է: Զինտեխնիկայի տեղաշարժի լուսանկարների մեծ մասն արված են Ասլանդուզ քաղաքի մոտակայքում:
Իրանցի փորձագետի տեղեկություններով՝ մեծ քանակությամբ զրահամեքենաներ, ռազմական ուղղաթիռներ, կործանիչներ, անօդաչու թռչող սարքեր ու զինծառայողներ են տեղակայվել նաև Խուդաֆերինի կամրջի հատվածում (Արցախի հարավ, 44-օրյա պատերազմի հետևանքով օկուպացվել է Ադրբեջանի կողմից, խմբ.):
«Պատասխան» Թուրքիային, Ադրբեջանին ու Պակիստանին
Իրանի զինված ուժերի լայնավածավալ զորավարժությունների մեկնարկի կապակցությամբ հնչող կարծիքներից հիմնականը վերաբերում է թուրք-ադրբեջանա-պակիստանյան համատեղ զորավարժությանը Թեհրանի պատասխանին: Նշվում է, որ Իրանին մտագոհում է այդ երկրների վարքագիծը՝ անհասկանալի համարելով, թե ում դեմ են նրանց գործողություններն ուղղված:
Արդաբիլում Իրանի հոգևոր առաջնորդի ներկայացուցիչ Այաթոլլա Սեյեդ Հասան Ամիլին հայտարարել է, որ Իրանն այդ զորավարժությանը չի կարող անտարբեր լինել: Նրա խոսքով՝ թեև ինքնիշխան պետություններն իրավունք ունեն ցանկացած գործընկերոջ հետ վարժանքներ իրականացնել, սակայն հարց է առաջանում, թե ի՞նչ համատեքստում են կազմակերպվում դրանք:
Նշենք, որ Իրանի նկատմամբ թուրք-ադրբեջանական քաղաքականությունը Թեհրանում արդեն լուրջ անհանգստություն է առաջացնում. եթե նախկինում, օրինակ՝ Բաքվում Էրդողանի արտասանությանը, Թեհրանն արձագանքում էր դիվանագիտական ուղերձներով, ապա այժմ գործի է դնում ռազմական «պատասխանը», ինչի մասին խոսել է Ամիլին:
Հոգևոր առաջնորդի ներկայացուցիչն ուշադրություն է հրավիրել այն հանգամանքի վրա, որ թուրքական պարբերականներից մեկը հոդված է հրապարակել՝ «Իրանը ջնջվելու է երկրի երեսից» վերտառությամբ: Ամիլիի խոսքով՝ սա ցույց է տալիս, որ Թուրքիան և Ադրբեջանը չեն կատարում հարևանության իրենց պարտականությունները, այդ պատճառով «Արաքսի ափին պետք է ռազմական ուժ գործի դրվի»:
Նախազգուշացում Իսրայելին
Ադրբեջանի հետ սահմանին խոշոր զորավարժությունների անցկացման նպատակներից մեկը համարվում է նախազգուշացումն Իսրայելին (իսրայելական սպառազինությունն ու մասնագետներն ակտիվորեն մասնակցել են Արցախի դեմ պատերազմին, խմբ.): Այս առումով ուշագրավ է տեղեկությունը, որ իրանական ռազմատեխնիկայի վրա գրառում է փակցվել. «Իսրայելը չի տեսնի հաջորդ 25 տարին»:
Ի՞նչ կապ ունեն թալիշները
Իրանագետ Վարդան Ոսկանյանի դիտարկմամբ՝ Իրանի ԶՈՒ զորավարժություններն ընթանալու են տարածքում, որը սահմանակից է Ադրբեջանի թալիշաբնակ շրջաններին:
Ոսկանյանը հիշեցնում է, որ վերջին շրջանում Ադրբեջանում կրկին սրվել է թալիշական խնդիրը: Մեր կողմից հիշեցնենք ավելի վաղ հրապարակված տեղեկությունը, ըստ որի՝ թալիշ առաջնորդ, հասարակական գործիչ Աբոսզոդայի ձերբակալությունն ու սպանությունը որոշակի կապ կարող են ունենալ Արցախի դեմ պատերազմի սանձազերծման հետ (Աբոսզոդան սպանվել է Բաքվի բանտում՝ 2020թ. նոյեմբերի 9-ին):
2026 թվականի սեպտեմբերի 28-ին Starship-ն առաջին անգամ ուղեծրային թռիչք կատարեց՝ դառնալով մեկ արձակմամբ Երկրի ուղեծիր դուրս բերված ամենամեծ և ամենազանգվածեղ օբյեկտը։ Մոտ հիսուն մետր բարձրությամբ ու ինը մետր տրամագծով տիեզերանավի թռիչքն ուղեկցվեց տեխնիկական խնդիրներով, սակայն այն կարողացավ վերահսկելիորեն վերադառնալ Երկիր։ Արդյո՞ք սա նշանակում է, որ SpaceX-ը կհասցնի պատրաստվել NASA-ի՝ 2028 թվականի սեպտեմբերին նախատեսված լուսնային վայրէջքին։
Հայաստանում բենզինը կրկին թանկացել է․ ԱԻ-92 տեսակի մեկ լիտրի գինը հասել է 600 դրամի, իսկ ԱԻ-95-ինը՝ 620 դրամի։ Որոշ միջազգային ցանցերում գներն ավելի բարձր են, սակայն առանձին առաջարկներով վառելիքը կարելի է գնել նաև ավելի էժան։
Հայաստանի՝ չեխական L-39 Skyfox ուսումնական ինքնաթիռներ ձեռք բերելու հնարավորության մասին ենթադրությունները կապում են երկու իրադարձության հետ՝ չբացահայտված պատվիրատուի համար չորս մեքենայի արտադրության և Վահագն Խաչատուրյանի՝ Aero Vodochody այցի։ Սակայն այս տեղեկությունները դեռ չեն հաստատում Հայաստանի հետ պայմանագրի առկայությունը։
Wildberries-ը Հայաստանում գործարկել է WB Taxi տաքսի ծառայությունը։ Առաջին փուլում ծառայությունը վաղ հասանելիության ռեժիմով աշխատում է Երևանում և հասանելի է ընկերության աշխատակիցների ու գործընկերների համար, սակայն նախատեսվում է աստիճանաբար ընդլայնել օգտատերերի շրջանակը։
Lockheed Martin-ը Տեխասի Ֆորտ Ուերթ քաղաքում պաշտոնապես ներկայացրել է Գերմանիայի համար կառուցված առաջին F-35A Lightning II կործանիչը՝ «35+01» համարով։ Ինքնաթիռն իր առաջին թռիչքն իրականացրել էր սեպտեմբերի 8-ին։ Գերմանիան ընդհանուր առմամբ պատվիրել է 35 F-35A, որոնք աստիճանաբար փոխարինելու են երկրի հնացող Tornado ինքնաթիռներին։
Rocket Lab-ի Electron հրթիռը սեպտեմբերի 19-ին ուղեծիր է դուրս բերել ճապոնական Synspective ընկերության տասներկուերորդ StriX ռադարային արբանյակը։ Այն նախատեսված է Երկրի մակերևույթը դիտարկելու համար, սակայն շահագործման կհանձնվի առաջիկա ամիսների փորձարկումներից հետո։
Դուք փորձել եք գրել արգելված արտահայտություն կամ արգելափակվել եք հաճախակի խախտումների պատճառով։
Հասկացա
Ձեր մեկնաբանությունում ինչ-որ բան կասկածելի է թվացել, ուստի հրապարակումից առաջ այն կանցնի մոդերացիա։
Հասկացա
Մենք անպայման կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կայքի կանոնների խախտումների պատճառով ձեր հաշվի նկատմամբ սահմանափակումներ են կիրառվել։ Եթե սա սխալ է, գրեք մեզ։
Հասկացա
Մեր զտիչները ձեր գործողություններում նկատել են արհեստական ակտիվության նշաններ։ Մի փոքր ընդմիջեք և վերադարձեք ավելի ուշ։
Հասկացա
Վերջին մեկնաբանությունները