2020թ. սեպտեմբերի 31-ի դրությամբ` պատերազմի 4-րդ օրը, Հայաստանի պետական պարտքն արդեն ավելացել էր 533 մլն դոլարով կամ 7,3%-ով։ Պետական պարտքը 2020թ. դեկտեմբերի 31-ի դրությամբ, նախնական տվյալներով, հասել է 7 մլրդ 968 մլն 486 հազար ԱՄՆ դոլարի:
Երևան, ձմեռ / © JAM News
ՀՀ վիճակագրական կոմիտեի տվյալներով` Հայաստանի պետական պարտքը` ներքին և արտաքին, 2020թ. դեկտեմբերի 31-ի դրությամբ, նախնական, կազմել է 7 մլրդ 968 մլն 486 հազար ԱՄՆ դոլար: 2019-ին այն կազմել է 7 մլրդ 321 մլն 256 հազար ԱՄՆ դոլար: Ստացվում է` մեկ տարում ՀՀ պետական պարտքն ավելացել է 8,84%-ով կամ 647 մլն 230 հազար ԱՄՆ դոլարով:
Ընդ որում`2020թ. սեպտեմբերի 31-ի դրությամբ (պատերազմի 4-րդ օրը) Հայաստանի պետական պարտքը կազմել է 7 մլրդ 855 մլն ԱՄՆ դոլար, այսինքն` 2019թ. դեկտեմբերի 31-ի դրությամբ արձանագրված ցուցանիշի համեմատ աճել է 533 մլն դոլարով կամ 7,3%-ով։ Արտաքին պարտքն այդ ցուցանիշում ավելացել է 192 մլն դոլարով կամ 3,3%-ով, ներքին պարտքը` 341 մլն դոլարով կամ 22,2%-ով:
ՀՀ արտաքին պարտքը 2020թ. դեկտեմբերի 31-ի դրությամբ կազմել է 6 մլրդ 53 մլն 147 հազար դոլար` մեկ տարում աճելով 268 մլն 629 հազար դոլարով (ավելի քան 4,64%-ով): Կառավարության պարտքն այստեղ մեկ տարում ավելացել է 298 մլն դոլարով կամ 5,63%-ով` հասնելով 5 մլրդ 593 մլն 202 հազար դոլարի:
ՀՀ կենտրոնական բանկի պարտքն ընդհանուր պետական պարտքի մեջ կազմել է 459 մլն 944 հազար դոլար` 2019թ. դեկտեմբերի 31-ի համեմատ նվազելով 29 մլն 373 հազար դոլարով (մոտ 6%-ով): Նշվում է, որ կրկնահաշվարկից խուսափելու նպատակով` ՀՀ կենտրոնական բանկի արտաքին վարկերի գծով ՀՀ կառավարության կողմից տրամադրված արտաքին երաշխիքները արտացոլված են ՀՀ կենտրոնական բանկի արտաքին պարտքի մեջ:
Ինչ վերաբերում է երկրի ներքին պարտքին, ապա այն 2020թ. վերջին հասել է 1 մլրդ 915 մլն 340 հազար դոլարի` 12 ամսում աճելով 378 մլն 601 հազար դոլարով կամ շուրջ 24,6%-ով: Ընդ որում` ռեզիդենտների կողմից ձեռք բերված պետական գանձապետական պարտատոմսերի գծով 1 մլրդ 834 մլն 773 հազար դոլար պարտավորությունները մեկ տարվա ընթացքում աճել են ավելի քան 422 մլն դոլարով (մոտ 29,9%-ով):
Ռեզիդենտների կողմից ձեռք բերված արտարժութային պետական պարտատոմսերի գծով պարտքը մեկ տարում նվազել է 43 մլն 402 հազար դոլարով (ավելի քան 35%-ով)` 2020թ. դեկտեմբերի 31-ի դրությամբ կազմելով 80 մլն 567 հազար ԱՄՆ դոլար:
Վիճակագրական կոմիտեի տվյալներով` Հայաստանի Հանրապետությունն այլ ներքին պարտավորություններ չի ունեցել։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…