Եթե Բայդենը ցանկանում է Հայաստանի հետ երկխոսություն սկսել, պետք է ճանաչի Հայոց ցեղասպանությունը. Սերժ Թանկյան
Աշխարհահռչակ երաժիշտը նշել է, որ եթե Բայդենն իսկապես ցանկանում է Հայաստանի հետ երկխոսություն սկսել, պետք է ճանաչի Հայոց ցեղասպանությունը, Էրդողանին հորդորի` նունն անել և վճարել փոխհատուցումները:
Հայազգի երաժիշտ, System of a Down խմբի առաջնորդ Սերժ Թանկյանն իր թվիթերյան էջում անդրադարձել է Ամերիկայի Միացյալ Նահանգների նորընտիր նախագահի կողմից Հայոց ցեղասպանության ճանաչման թեմային:
Աշխարհահռչակ երաժիշտը նշել է, որ եթե Բայդենն իսկապես ցանկանում է Հայաստանի հետ երկխոսություն սկսել, պետք է ճանաչի Հայոց ցեղասպանությունը, Էրդողանին հորդորի` նունն անել և վճարել փոխհատուցումները:
Հիշեցնենք` Ջո Բայդենը 2020թ. ապրիլին իր հայտարարությունում կիրառել էր «ցեղասպանություն» բառը` խոստանալով նախագահի պաշտոնում ընտրվելու դեպքում սատարել Հայոց ցեղասպանությունը ճանաչող բանաձևին և մարդու իրավունքները դարձնել իր վարչակարգի առաջնահերթությունը:
Իսկ դեռևս 2019թ. սեպտեմբերին Ջո Բայդենը հայտարարել էր, որ ԱՄՆ-ը վերջնականապես պետք է հաստատի իր դիրքորոշումը Հայոց ցեղասպանության հարցում: Նրա խոսքով` երբեք չպետք է մոռանալ կամ լռել ազգի ոչնչացմանն ուղղված այդ սարսափելի և համակարգված գործողությունների մասին, որոնք 1,5 միլիոն հայ տղամարդկանց, կանանց և երեխաների մահվան և 2 միլիոն հայի «զանգվածային տեղահանման» պատճառ են դարձել:
Բայդենն ընդգծել էր նաև, որ «Ցեղասպանության փաստը չհիշելը կամ չճանաչելը միայն ճանապարհ է հարթում ապագա զանգվածային վայրագությունների համար»:
2007թ., երբ Բայդենը սենատոր էր, աջակցել է Հայոց ցեղասպանության ճանաչման ուղղությամբ տարվող ջանքերին։ Նա, մասնավորապես, համահեղինակել է համապատասխան բանաձևը, որը, սակայն, չի դարձել Սենատի քննարկման առարկա։
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները