Այն, ինչ մենք սովորական ենք համարում և նույնիսկ՝ ճիշտ, օտար երկրներում կարող է համարվել էթիկայի խախտում կամ անհարգալից վերաբերմունք տանտիրոջ կամ խոհարարի նկատմամբ:
Հյուրասիրություն / © academic
Սովորաբար մենք հյուրերին մատուցում ենք լի բաժակով թեյ, ճաշկերույթի ժամանակ մակարոնը փաթաթում ենք պատառաքաղի վրա և առանց ամոթի աղ ու պղպեղ ենք լցնում, աղամանն ու պղպեղամանը միշտ սեղանին են՝ տանը, սրճարանում, ռեստորանում:
Ստորև ներկայացնում ենք, թե ինչ տարօրինակ ավանդույթներ կան աշխարում՝ սննդի վերաբերյալ, որոնց կարող ենք բախվել՝ ճանապարհորդելիս:
Դուբայում և Ղազախստանում ցանկալի հյուրերի համար թեյը կես բաժակ են լցնում: Այդպիսով տանտերը հաճելի շփման միջավայր է ստեղծում՝ կամաց-կամաց տաք ըմպելիք ավելացնելով:
Եթե ձեզ լի բաժակ են մատուցել, ապա դրանով ցանկանում են հասկացնել, որ գնալու ժամանակն է:
Չինաստանում, ավանդույթի համաձայն, թեյնիկը մաքրող միջոցներով չեն լվանում: Այն կամ փայլեցնում են եռացնելուց հետո կամ մաքրության համար շաքար են օգտագործում: Առաջացած շերտը (փառ) համարվում է «թեյի հոգի», ուստի այն ոչնչացնելը քիմիական միջոցներով սխալ է համարվում:
Դժվար է պատկերացնել պիցցան առանց համեղ պանրի: Սակայն որքան էլ իտալացիները սիրում են այդ սնունդատեսակը, միևնույն է՝ այդ երկրում ընդունված չէ խնդրել պանրի հավելում:
Դա կարող է վիրավորել խոհարարին. հավելյալ պանիր խնդրելու դեպքում կնշանակի, որ նրա պատրաստած ուտեստը ձեզ դուր չի եկել և ցանկանում եք այն փոփոխել:
Աղամանի ու պղպեղամանի առկայությունը սեղանին մեզ համար սովորական երևույթ է: Սակայն եթե Եգիպտոսում և Պորտուգալիայում խնդրեք աղ ու պղպեղ, ապա կարող են ձեզանից խիստ նեղանալ: Դրանով դուք կարծես շեշտում եք, որ խոհարարն աղն ու պղպեղը տեղին չի արել:
Պատառաքաղը սովորական պարագա է սեղանին, որի օգնությամբ ուտում ենք մակարոնեղեն, կարտոֆիլ և բազմաթիվ այլ ուտեստներ: Սակայն Թայլանդում դա կարող է դիտվել որպես վատ վերաբերմունք:
Այնտեղ կարելի է պատառաքաղից օգտվել և կշտամբանքի չենթարկվել միայն այն դեպքում, երբ պատառաքաղի օգնությամբ ուտելիքն ափսեից կտեղափոխեք գդալի վրա, որով և կուտեք:
Սովորաբար, երբ սնունդը մեզ դուր է գալիս, փորձում ենք այն ուտել մինչև վերջ՝ դրանով հայտնել դրական կարծիք: Չինաստանում այդպիսի դրսևորումը կարող է որոշ խնդիրներ առաջացնել: Այնտեղ ճաշկերույթից հետո դատարկ ափսեները նշանակում են, որ հյուրերը սոված են մնացել, տանտերը ժլատություն է արել և անհրաժեշտ կերպ չի կերակրել:
Այնպես որ, եթե ցանկանում եք գովեստ հղել տանտիրոջը կամ խոհարարին, պետք է ափսեում մի փոքր թողնել, որքան էլ այն համեղ լինի:
Այն մասին, որ անգլիացիների մոտ սովորույթ է 17 ժամ թեյ խմելը, շատերը գիտեն: Սակայն ոչ բոլորին է հայտնի, թե հատկապես ինչպես են բրիտանացիներն ըմպում թեյը: Նախ՝ նրանք հաճախ կաթ են ավելացնում: Երկրորդ՝ նախընտրում են սառը թեյ (ավելացվում է սառը կաթ): Եվ վերջապես՝ անգլիացիները փորձում են թեյն այնպես խառնել, որ գդալը բաժաին չդիպչի և ձայն չարձակի:
Եթե այցելեք Ճապոնիա, ոչ մի դեպքում սննդի փակտիկներն ուտելիքի մեջ ուղղահայաց մի տեղադրեք: Ավանդույթի համաձայն՝ այդպես վարվում են միայն հուղարկավորության արարողությունների ժամանակ: Իսկ ռեստորանում այդպիսի վարքը կարող է վիրավորել հաստատության ղեկավարին:
Այդ նույն պատճառով չի կարելի ուտելիքը փայտիկներով փոխանցել: Սգո արարողությունների ժամանակ դրանք օգտագործում են դիակիզման պարագայում՝ ոսկորները փոխանցելու համար:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…