Արդյո՞ք ճիշտ է, որ մինչև մեկ տարեկան երեխաներին մեղր չի կարելի

Խորհուրդ չի տրվում մեղրով կերակրել մեկ տարին չլրացած երեխաներին՝ ինչպես մաքուր, այնպես էլ սննդամթերքի կազմում: Եվ հարցը բնավ կապ չունի ալերգիայի հետ:

Գիտություն

# երեխաներ

# Խորհուրդներ

# Մեղր

Մինչև մեկ տարեկաններին չի կարելի, ավելի բարձր տարիքի երեխաներին՝ քիչ բաժիններով / © ПроПчел / Հեղինակ՝ անհայտ, լուսանկարը տրամադրել է օգտատերը

Խնդիրն այն է, որ մեղրը կարող է պարունակել Clostridium botulinum սպորներ (բեղմնիկներ)՝ բակտերիաներ, որոնք բոտուլիզմ են առաջացնում: Բոտուլիզմի բակտերիաները բնության մեջ շատ են հանդիպում հատկապես ծաղիկների և խոտերի վրա: Այդ կենդանի օրգանիզմների առանձնահատկությունն այն է, որ թթվածնային միջավայրում բակտերիաները դադարեցնում են նյութափոխանակությունը (մետաբոլիզմը) և վերածվում են արտաքին ազդեցության նկատմամբ դիմակայուն սպորների:

Սակայն հայտնվելով անաերոբային (առանց թթվածնի) միջավայրում, ապա վերսկսում են կենսագործունեությունը և արտազատում են նեյրոտոքսին պարունակող նյութեր: Նեյրոտոքսինը վնասում է մարդու կենտրոնական նյարդային համակարգը: Ստամոքսը, աղիներն անաերոբային միջավայր են և, հայտվելով այնտեղ, բակտերիաները թույն են արտադրում:

Զարգացած մարսողական համակարգում բոտուլոտոքսինը (ոչ մեծ քանակությամբ) թթվայնությունից չեզոքացվում է և օրգանիզմում չի տարածվում: Նորածնի աղիներն այդպիսի հզոր պաշտպանություն չի ունենում, ուստի մինչև մեկ տարեկան երեխաներին մեղրով կերակրելը խորհուրդ չի տրվում:

Բացի այդ՝ մեղրը, որքան էլ բնական միջոց է, համարվում է ալերգիա հարուցող, այդ իսկ պատճառով նույնիսկ ավելի մեծ տարիքի երեխաների համար թույլատրվում է կերակրել փոքր չափաբաժիններով:

Վրիպա՞կ գտաք։ Նշեք հատվածը և սեղմեք Ctrl + Enter։