Ավստրալացի գիտնականների խումբը բիոնիկական սարքավորում է ստեղծել տեսողության վերականգնման համար՝ ուղեղում իմպլանտների ներդրման օգնությամբ: Այդ նույն իմպլանտները, հնարավոր է, կարողանան բուժել նաև կաթվածը:
Բիոնիկական աչք / © Monash.edu
Վիրահատության նախապատրաստությունն արդեն տարվում է. այն կարող է դառնալ մարդու վրա աշխարհում առաջին բիոնիկական աչքի համակարգի կլինիկական փորձարկումը: Մոնաշի համալսարանի (Մելբուռն, Ավստրալիա) հետազոտողներն այժմ հավելյալ ֆինանսավորում են փնտրում են՝ սարքավորման համաշխարհային արտադրության համար:
Gennaris Bionic Vision System համակարգը նախագիծ է, որի մշակումն ավելի քան 10 տարի է տևել: «Բիոնիկական տեսողությունը» կազմված է գլխի հատուկ սարքավորումից, որն ունի տեսախցիկ, անլար հաղորդիչ, վիդեոպրոցեսոր և ծրագրային ապահովում, ինչպես նաև 10×10 մմ չափերի չիպեր, որոնք հարմարեցվում են ուղեղին: Սարքավորման պրոցեսորը մշակում է տվյալները և դրանք փոխանցում իմպլանտներին, որոնք տեղեկատվությունը վերաձևում են էլեկտրական իմպուլսի:
Սարքավորման առաջին փորձարկումներում գիտնականներն օգտագործել են ոչխարներին: Նրանք ուղեղային իմպլանտներ են տեղադրել տասնյակ կենդանիների մոտ և հետևել նրանց շուրջ 2 ամիս: Ավելի քան 2700 ժամվա կիրառության արդյունքում համակարգերն առողջության համար էական անցանկալի հետևանքներ չեն առաջացրել:
Հաշվի առնելով բիոնիկական տեսողության հնարավոր հաջողությունը՝ հետազոտողները հույս ունեն տեխնոլոգիան հարմարեցնել նյարդաբանական լուրջ խնդիրների բուժման համար, ինչպիսիք են որոշ վերջույթների կաթվածը և նույնիսկ շարժունակության մասնակի կամ ամբողջական կորուստը:
Հիշեցնենք, որ Իլոն Մասկը վերջերս ցուցադրել էր նույնատիպ սարքավորման փորձարկման արդյունքները խոզերի վրա:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…