Յուհանի ֆիզիկոսները ներկայացրել են շարժիչի նախատիպ, որը ռեակտիվ ցայտ է առաջացնում անմիջապես օդից՝ միայն էլեկտրականության շնորհիվ, և վառելիքի այրման կարիք չունի:
Սովորական ռեակտիվ շարժիչ / © Wikipedia
Ժամանակակից ինքնաթիռների ու հրթիռների ռեակտիվ շարժիչները և վառելիք են այրում և մեծ ցայտով արտանետում, որի իմպուլսը սարքավորումն առաջ է հրում: Սակայն Ցզայ Տանը և նրա գործընկերները (Չինաստանի Յուհանի համալսարան) ներկայացրել են, որ այդ հարցը հնարավոր է շրջանցել նաև առանց վառելիքի՝ օգտագործելով սեղմված պլազմայի ցայտը, որը ստացվում է անմիջապես օդից:
Այդպիսի շարժիչի առկա նախատիպը նոր աշխատություն է հրապարակվել: Համակարգը կուտակում և սեղմում է օդը՝ հզոր կոմպրեսորի օգնությամբ, ինչից հետո միկրոալիքների օգնությամբ իոնիզացվում է: Պլազմայի լիցքավորված մասնիկներն արագացվում են էլեկտրական դաշտով և օգտագործվում են ռեակտիվ ցայտի ստեղծման համար. մոտավոր այնպես, ինչպես արդեն իրականացվում է տիեզերական որոշ զոնդերի իոնային շարժիչներում:
Նշվում է, որ գործող իոնային շարժիչները տարբերվում են վառելիքի չնչին ծախսով և աշխատաժամանակի երկարատևությամբ, սակայն մեծ ձգողականություն չեն կարող ստեղծել, ուստի երկրային մթնոլորտում թռիչքների համար չեն օգտագործվում: Ի տարբերություն դրանց՝ նոր նախատիպի ռեակտիվ ցայտը հաջողությամբ օդ է բարձրացրել պողպատե գունդը (1 կգ)՝ օգտագործելով միայն էլեկտրական էներգիա:
Հեղինակները նշել են, որ սեփական զանգվածի հաշվարկում ստեղծվող նախատիպի կողմից ստեղծվող ձգող ուժը հավասար է սովորական ռեակտիվ շարժիչների ցուցիչներին: Դա հույս է առաջացնում, որ որոշ ժամանակ անց հնարավոր կլինի օգտվել քիչ աղմուկով ու «էկոլոգիապես մաքուր» էլեկտրական ինքնաթիռներից՝ ոչ միայն պտուտակային, այլև՝ ռեակտիվ ձգողականությամբ:
Օդային տրանսպորտը նշանակալից տեղ է զբաղեցնում օդի աղտոտման գործում՝ արտանետելով մեծ ծավալի ածխաթթու գազ: Առկա տվյալների համաձայն՝ ավիափոխադրումներին (բացի՝ ռազմականից) բաժին է ընկնում СО2-ի արտանետումների 2,5 տոկոսը: Պրոֆեսոր Տանն ընդգծել է, որ իրենց մշակած սխեմայում օգտակար հանածո չի օգտագործվում, հետևաբար՝ ածխաթթու գազ չի առաջանում, որը կարող է ջերմոցային իրավիճակ ստեղծել՝ նպաստելով համաշխարհային տաքացման գործում:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…