«Գազպրոմի» աշխատակիցները ներտնային այցեր են կատարում առանց դիմակների ու ձեռնոցների — Շեշտ.am (shesht.am)
3 րոպե
Խմբագրություն

«Գազպրոմի» աշխատակիցները ներտնային այցեր են կատարում առանց դիմակների ու ձեռնոցների

Պարետի որոշմամբ՝ տնտեսվարող սուբյեկտների աշխատակիցները (այդ թվում՝ գազամատակարարման) անմիջական շփման դեպքում պետք է ձեռնոց ու դիմակ կրեն, սակայն այսօր ականատես ենք եղել, որ որոշումն անտեսվում է:

Գազպրոմ Արմենիա ՓԲԸ / © Ազատություն

Հայաստանի Հանրապետությունում կորոնավիրուսի տարածումը կանխարգելող ու մեղմացնող միջոցառումների շրջանակներում Պարետի կողմից ընդունվել են մի շարք որոշումներ, որոնց շարքում առաջնային նշանակություն ունեն գործունեությունը չդադարեցրած տնտեսվարողների (կազմակերպությունների) կողմից համաճարակային անվտանգության կանոնների պահպանման վերաբերյալ դրույթները:

Մասնավորապես, Պարետի՝ մայիսի 3-ի N 63 որոշման համաձայն՝ հաճախորդների հետ անմիջական շփում ունեցող աշխատակիցները պետք է կրեն դիմակներ (դրանք փոխել 3-4 ժամը մեկ) և ձեռնոցներ: Սակայն մենք պարզեցինք, որ Գազպրոմ Արմենիայի աշխատակիցները, ովքեր ներտնային այցելություններ են իրականացնում, չեն պահպանում նշված կանոնները. չեն կրում դիմակ ու ձեռնոցներ:

Նշված կանոններն, ընդ որում, նոր չեն սահմանված, և բացառվում է «դեռ տեղյակ չլինելու» մասին հնարավոր արդարացումն այդ ընկերության կողմից: Կանխարգելիչ-անվտանգային նույն պահանջները սահմանված են դեռևս մարտի 27-ի N 19 որոշմամբ, ըստ որի՝ «… գազի մատակարարում իրականացնող տնտեսվարողները գործունեությունն իրականացնում են անհրաժեշտ նվազագույն անձնակազմով, անհետաձգելի և վթարային աշխատանքներ իրականացնելու նպատակով…»:

Ուստի, կարելի է համարել, որ Գազպրոմ Արմենիա ՓԲԸ-ի (կամ նրա կողմից պատվիրակված ծառայություն մատուցող Էյ-Ի-Ջի-Սերվիս ՍՊԸ-ի) աշխատակիցները կամ չեն հետևում նշված կանոնների պահպանմանը, կամ տնտեսվարող սուբյեկտն է անտեսում Պարետի որոշումները:

Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

3 րոպե
Խմբագրություն

Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն ու հնարավոր զարգացումները, Իրանի ԻՀՊԿ-ի գլխավոր շտաբի պետը հայտարարում է, որ իրանական հրթիռները կարող են հասնել Բաքու և ոչնչացնել այն:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.