Իլոն Մասկն ու Գրայմսը որդուն X Æ A-12 են կոչել. սոցցանցերում գուշակում են անվան հնչողությունն ու նշանակությունը — Շեշտ.am (shesht.am)
11 րոպե
Խմբագրություն

Իլոն Մասկն ու Գրայմսը որդուն X Æ A-12 են կոչել. սոցցանցերում գուշակում են անվան հնչողությունն ու նշանակությունը

Երեխային համեմատել են մոդեմի ձայնի հետ զրուցող վիրտուալ իրականության ու գիտաֆանտաստիկ հրեշի հիբրիդի հետ և փորձել են պատկերացնել նրա խելահեղ կյանքը:

Իլոն Մասկի որդու անունը՝ X Æ A-12 / © Elon Musk

Tesla ընկերության գլխավոր տնօրեն Իլոն Մասկն իր թվիթերյան էջում հայտնել է, որ կնոջ՝ Գրայմսի հետ իրենց որդուն տվել են X Æ A-12 Մասկ անվանումը: Կանադացի երգչուհին դա հաստատել է և մեկնաբանել անվան նշանակությունը: Սոցցանցերում շատերը փորձում են գուշակել անվան արտաբերումը, իսկ մյուսները պատկերացնում են, թե երեխայի կյանքը նման է լինելու սյուռռեալիստական մեմերով խառնված խելահեղ սայ-ֆայի:

Մայիսի 4-ին Մասկն ու Գրայմսը (իրական անվանումը՝ Կլեր Բուշե) տղա երեխա են ունեցել: Որդու ծնունդից հետո Մասկն իր թվիթերյան էջում պատասխանել է օգտատերերի հարցերին ու ասել երեխայի անունը:

Երեխայի լուսանկարն ենք ուզում. խնդրում ենք հրապարակել:
Մեզ անունն է պետք, տառացիորեն է պետք:
X Æ A-12 Մասկ

Սոցցանցերում սկսել են քննարկել, թե ինչպես է արտասանվում այդ արտասովոր անվանումը: Մի մասն X-ը համարել են հռոմեական թվանշան, մյուսները՝ անհայտ նշան: ԶԼՄ-ներում ենթադրել են, որ X-ը կարող է հունական «chi»-ն լինել: Մեծ մասը համաձայնվել են, որ Æ-ն հղում է անում լատինական ծագման գրականությանը, որտեղ հնչում է «Ash»: A-12-ը համարել են հետախույզ-ինքնաթիռ Lockheed A-12-ի հիշատակումը, որի ծածկագրային անվանումն «Արխանգել» է: Մյուսները որոշել են, որ սա պարզապես մաթեմատիկական օրինակ է: Առավել ընդունելի տարբերակ է համարվել X Ash Archangel-ը («Իքս Էշ Արխանգել): Կան նաև «Սաշա Արխանգել» տարբերակը:

Հավանաբար՝ X Æ A-12-ը հնչում է «Սաշա Արխանգել», ինչո՞ւ, գրողը տանի, հնարավոր չէ՞ր հենց այդպես էլ գրել:

Ավելի ուշ Գրայմսը հաստատել է օգտատերերի գուշակությունների մի մասը: Հստակ հնչողության մասին նա չի նշել, ուստի ԶԼՄ-ները երեխային սկսել են անվանել «X-Eye Archangel Metal Rat»:

X՝ անհայտ փոփոխական, Æ՝ իմ էլֆիական արտաբերումը՝ Ai (սեր և/կամ արհեստական բանականություն), A-12՝ SR-17-ի նախորդը (սիրելի կործանիչ): Այն ոչ զենք ունի, ոչ հակաօդային պաշտպանություն: Գեղեցիկ է մարտում, բայց վտանգավոր չէ: A՝ Archangel, իմ սիրելի երգը (հավանաբար՝ հղում Burial երգին), ⚔️?՝ մետաղական առնետ:

Մասկը ուղղել է կործանիչի անվանումը. SR-71, ոչ թե՝ SR-17, բայց մնացած մասով՝ հաստատել է Գրայմսի մեկնաբանությունը:

SR-71, բայց՝ այո:
Արխանգել-12

Սոցցանցերում առաջարկել են գուշակել անվան հնչեղությունը, բայց արդեն հեգնական:

X Æ A-12-ը վերածվում է Ազիլիայի (հղում ռեփեր Ազիլիա Բենքսին, ում հետ Մասկն ու Գրայմսը վեճ են ունեցել):
X Æ A-12-ը մտնում է դասարան / Ուսուցիչը՝ «Անունդ ի՞նչ է: / X Æ A-12.
Ինչպե՞ս արտասանել X Æ A-12-ը.
Ինչպե՞ս արտասանել քո անունը / X Æ A-12.
Իլոն Մասկ. «Ինչպե՞ս արտասանել մեր որդու X Æ A-12 անվանումը» / Գրայմս.

Օգտատերերը սկսել են վարել X Æ A-12-ի կյանքի մեմային խրոնիկան՝ սկսած ծննդյան օրվանից: Թվիթերում պատկերացրել են, թե ինչ տեսք կունենան նրա կյանքի առաջին տարիները:

Գրայմսի հրաշալի երեխայի առաջին լուսանկարները:
Իլոն Մասկի և Գրայմսի երեխան մսուրում:
X Æ A-12-ը շփվում է հիվանդանոցի մսուրում այլ երեխաների հետ:
Առաջին խնջույքը՝ X Æ A-12-ի ծննդյան առթիվ:
View this post on Instagram

Who came up with the name???

A post shared by Riley Beek ? (@memequeen) on

Իլոն Մասկը և Գրայմսը փորձում են կարգավորել իրենց որդու՝ X Æ A-12-ի ծածկագիրը, երբ նա սկսում է չարություն անել:

Երեխայի առաջին խոսքերն ու լացը, հավանաբար, հնչելու են մոտավորապես այնպես, ինչպես հնչում է նրա անունը:

X Æ A-12. 01101001 00011001 01101101 00100000 01101000 01110101 01101110 01100111 01110010 01111001 / Նրա մայրը. «Ի՞նչ է ասում»: / Իլոն Մասկ. «Սոված է»:
Գրայմս. «Աստված իմ, կարծում եմ՝ հիմա առաջին բառերը կասի» / X Æ A-12.
Գրայմսը՝ իր երեխային. «Կարո՞ղ ես ասել՝ մայրիկ»: Ասա՝ մայրիկ» / X Æ A-12 Մասկ.
Ձայներ, որ արտասանում է X Æ A-12-ը՝ հասկացնելու, որ սոված է:
Այսպես է ձայնում X Æ A-12-ը՝ լացելիս:
Գրայմս և Իլոն. «Բարի գիշեր, X Æ A-12 Մասկ, մեր կրտսեր զավակ» / X Æ A-12 Մասկ.

X Æ A-12-ի մեծացումը նույնպես արտասովոր կերպով է տեղի ունենում. սնունդ, խաղեր ծնողների հետ, ծանոթություն առաջին ընկերների հետ, որպես գիտաֆանտաստիկ ֆիլմի կադրեր կամ աբսուրդ մեմեր:

X Æ A-12, գնա նախաճաշի:
X Æ A-12-ը խաղում է Իլոն Մասկի հետ:
Իլոն Մասկն ու Գրայմսն ասպիսին են. «X Æ A-12, ցած իջիր, ջեմով ու գետնանուշի մածուկով սենդվիչը պատրաստ է:
Իլոն. «Գնա ծանոթացիր ընկերներիդ հետ» / X Æ A-12.
X Æ A-12, եկ և վերցրու ըմպելիքդ:

Թվիթերի օգտատերերի կարծիքով՝ տարիքի հետ X Æ A-12-ի համար ավելի դժվար է լինելու. գնալու է դպրոց, որտեղ ոչ ոք սովոր չէ նման տարօրինակ երեխայի:

X Æ A-12 Մասկը վազում է դպրոցական ավտոբուսի հետևից:
Իլոն Մասկը և նրա որդի X Æ A-12-ը մտերմիկ շփվում են:
X Æ A-12-ն՝ դպրոցում, առաջին օրը.
Գրայմս. «Ոչ մի գազավորված՝ երեկոյան 8-ից հետո» / X Æ A-12-ը թաքուն գնում է ավտոտնակի սառնարանի մոտ.

Հավելենք, որ երեխան երգչուհու առաջնեկն էր, մինչդեռ SpaceX-ի հիմնադիրն առաջին կնոջից ևս 5 երեխա ուներ:

Ամենաընթերցվածը

2 րոպե
Խմբագրություն

Հակոբ Արշակյանի հաղորդմամբ` այն նախատեսված է հակառակորդի հետևակի և ռազմական տեխնիկայի խոցման համար։ ՕԳ-7Վ-ն պետական փորձարկումներ է անցել, այժմ գտնվում է սերիական արտադրության փուլում։

2 րոպե
Խմբագրություն

Նշվում է, որ ներդրողը մտադիր է ռազմաարդյունաբերական գոտի ստեղծել, այնտեղ արտադրել զրահամեքենաներ, սակայն Կառավարությունը չի թույլատրում: Վահան Քերոբյանի խոսքով` ինքն է կանգնեցրել այդ նախագծի որոշման կայացումը, քանի որ «այն ծիծաղելիորեն արհամարհում էր ՀՀ քաղաքացիների շահերը»։

3 րոպե
Խմբագրություն

Վարչապետի խոսնակը նշում է, որ «Իսկանդերի» մասին հայտարարությունը ոչ մի կապ չունի ռազմական և ռազմարդյունաբերական համագործակցության ոլորտում հայ-ռուսական դաշնակցային հարաբերությունների բովանդակության ու որակի հետ և կասկած չի հարուցում, որ ռուսական զենքը լավագույններից է աշխարհում:

2 րոպե
Խմբագրություն

Հակոբ Արշակյանի հաղորդմամբ` այն նախատեսված է հակառակորդի հետևակի և ռազմական տեխնիկայի խոցման համար։ ՕԳ-7Վ-ն պետական փորձարկումներ է անցել, այժմ գտնվում է սերիական արտադրության փուլում։

4 րոպե
Խմբագրություն

Նախկինում մի քանի անգամ խոսվել է Հայաստանում ֆրանսիական բազայի ստեղծման ծրագրերի մասին, իսկ այժմ նշվում է, որ ֆրանսիական ուժերը Հայաստան կարող են տեղափոխվել Վրաստանի տարածքից:

4 րոպե
Խմբագրություն

Նշվում է, որ վերջնական որոշումը պետք է համաձայնեցվի ԱՄՆ-ի հետ: Այս գործընթացի մասն են համարվում նախագահ Արմեն Սարգսյանի հանդիպումները Լոնդոնում: Փարիզին կարող են միանալ նաև Աթենքի ներկայացուցիչները` ռազմական դիտորդների մակարդակով:

4 րոպե
Խմբագրություն

Նախկինում մի քանի անգամ խոսվել է Հայաստանում ֆրանսիական բազայի ստեղծման ծրագրերի մասին, իսկ այժմ նշվում է, որ ֆրանսիական ուժերը Հայաստան կարող են տեղափոխվել Վրաստանի տարածքից:

3 րոպե
Խմբագրություն

Փաստերի ստուգման հարթակն արձանագրում է, որ Ռուսաստանի պաշտպանության նախարարության և Ադրբեջանի նախագահի հայտարարություններն իրականությանը չեն համապատասխանում։

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.