Ինչպես են օգտատերերն արձագանքել բուկլետը պատռող աղջկա վարքին

Վարչապետ Նիկոլ Փաշինյանն աղջկա վարքը որակեց «ժողովրդավարություն», օգտատերերի մեծ մասը քննադատեց «Մաշային», բայց կային նաև նրան պաշտպանողներ:

Նախօրեին երևանյան մետրոյում Վարչապետ Նիկոլ Փաշինյանը Սահմանադրական փոփոխությունների հանրաքվեի քարոզարշավի շրջանակներում բուկլետ էր բաժանում: Ուղևորներից մեկը վերցրել է բուկլետն ու պատռել, նետել Փաշինյանի ուղղությամբ:

Վարչապետը ոչ միայն չի տրվել սադրանքին, ինչպես երևում է տեսանյութում, այլև նման վարքը որակել է որպես ժողովրդավարություն և իրական ազատություն՝ ավելի ուշ կատարելով գրառում.

Ավելի ուշ տեղեկություններ հաղորդվեցին, որ Մարիամ անունով աղջիկը նախկինում մասնակցել է Թավշյա հեղափոխությանը, անդամագրվել Քաղաքացիական պայմանագիր կուսակցությանը, սակայն պաշտոն չստանալով՝ հեռացել է հակառակորդ ճամբար՝ աջակցելով Ռոբերտ Քոչարյանին:

Օգտատերերի արձագանքը

Ֆեյսբուքյան օգտատերերը միջադեպից րոպեներ անց գտան բուկլետը պատռած աղջկա էջը և սկսեցին քննադատել նրան` նման պահվածքի համար: Մարիամին պաշտպանողների թվում էին նախկին իշխանությունների ներկայացուցիչները և նրանց հետ կապված անձինք:

Մինչդեռ Նիկոլ Փաշինյանի աջակիցներն ու քաղաքական չեզոքություն ունեցող հայտնի օգտատերերն աղջկան քննադատեցին ոչ միայն Վարչապետի նկատմամբ նման վերաբերմունքի, այլև ընդհանուր սխալի համար, այդ թվում՝ հանրային վայրն աղտոտելու համար:

Անպակաս չեն մնացել նաև կատակներից