Այս պարագայում ընկերությունը չի պատժվի, քանի որ Facebook-ի տվյալների օգտագործման քաղաքականության փոփոխությունից հետո կայքն իրավունք ունի հավաքել տեղեկություններ՝ ծառայությունների մատուցման որակը բարձրացնելու համար:
Facebook-ը պատվիրել է լսել ձայնային հաղորդագրությունները / ©iPhones.ru
Facebook-ը խոստովանել է, որ կապալառուներին պատվիրել է վերծանել օգտատերերի ձայնային հաղորդագրությունները: Ընկերությունը բացատրել է, որ օգտատերերը, ում հաղորդագրությունները լսվել են, իրենք են Messenger-ում ընտրել ձայնային հաղորդակցության տառադարձման գործառույթը, իսկ կապալառուները պետք է ստուգեին, թե որքանով է արհեստական բանականությունը ճիշտ կատարում անանուն հաղորդագրությունների մեկնաբանումը:
Bloomberg-ը դեռևս ապրիլին հաղորդել էր, որ Amazon-ի հազարավոր աշխատակիցներ ծրագրային ապահովման լավացման համար լսում են Alexa ձայնային օգնականի աուդիոհարցումները: Նմանատիպ ստուգում իրականացվել է Google Assistant-ի աշխատանքի որակը բարձրացնելու համար: Apple-ը և Google-ն այն ժամանակ հայտարարել էին, որ այլևս այդպես չեն վարվում, իսկ Amazon-ը օգտատերերին հնարավորություն էր տվել հրաժարվել իրենց հարցումների ստուգումներից:
Ավելի վաղ Facebook-ը հերքել էր, թե օգտատերերի ձայնային հաղորդագրություններն օգտագործում է գովազդատուներին տեղեկություն հաղորդելու նպատակով: Նրա հիմնադիր Մարկ Ցուկերբերգի՝ ձայնագրությունները լսելու մասին անկեղծանալուց հետո Facebook-ը ստիպված հանդես եկավ հայտարարությամբ՝ նշելով, որ խոսակցությունների ձայնագրությունների հետազոտումը դադարեցվել է մոտ մեկ շաբաթ առաջ:
Հաղորդվում է, որ այս պարագայում ընկերությունը չի պատժվի, քանի որ նախորդ տարի Facebook-ի տվյալների օգտագործման քաղաքականության փոփոխությունից հետո կայքն իրեն իրավունք է վերապահում հավաքելու լսարանի, հաղորդագրությունների և այլնի մասին տեղեկություններ՝ ծառայությունների մատուցման որակը բարձրացնելու համար:
Օգտատերերի գաղտնիության հետ կապված խնդիրներ Facebook-ը բազմիցս է ունեցել: Ինչպես ԱՄՆ-ում, այնպես էլ Եվրոպայում ընկերությանը պարտադրել են տույժեր վճարել օգտատերերի տվյալների արտահոսքի համար:
2018թ. Cambridge Analytica հետազոտական ընկերությունն էր ձեռք Facebook-ի օգտատերերի անձնական տվյալները և օգտագործել դրանք: Այն ժամանակ Ցուկերբերգը հրապարակային ներողություն էր խնդրել, իսկ ս.թ. հուլիսին ընկերությունը 5 մլրդ դոլարով տուգանվել էր:
Facebook-ի համբավը բազմիցս տուժել է օգտատերերի տվյալների անվտանգության հետ կապված խնդիրների պատճառով, ուստի ներկայումս սպառնացող ամենամեծ վտանգը հետագա տուգանքներն են և ընկերության հնարավոր մասնատումը: Վերջինիս մասին խոսել է համահիմնադիր Քրիս Հյուզը: Սակայն Ցուկերբերգը Facebook-ը մասերի բաժանելու գաղափարը հերքել է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…