Հայաստանում կարտադրվեն ոսկու ձուլակտորներ, որոնք կճանաչվեն աշխարհում — Շեշտ.am (shesht.am)
5 րոպե
Խմբագրություն

Հայաստանում կարտադրվեն ոսկու ձուլակտորներ, որոնք կճանաչվեն աշխարհում

Գործարանի շինարարությունը կմեկնարկի հոկտեմբերին և կտևի 6 ամիս: Վարդան Սրմաքեշի խոսքով՝ կարևորը որակյալ արտադրանք ստանալն է, մնացածը լուծելի հարցեր են:

Ոսկու ձուլակտորներ / ©ermenihaber.am

Շվեյցարահայ միլիոնատեր Վարդան Սրմաքեշը մտադիր է ավարտին հասցնել մաքուր ոսկու նախագիծը: Նա 5 տարի առաջ ցանկություն էր հայտնել Հայաստանում հիմնելու բանկային ոսկու ձուլակտորների արտադրություն և ՀՀ Կենտրոնական բանկի հետ հուշագիր էր ստորագրել: Նախորդ տարիներին բանակցություններ է վարել սարքավորումների մատակարարների և միջազգային սերտիֆիկացնող կազմակերպությունների հետ:

Հաղորդվում է, որ ոսկու ձուլակտոր արտադրելը հավասար է դոլար կամ եվրո տպագրելուն: Դա նշանակում է վճարային համակարգի ներդնում, որը կկիրառվի ամբողջ ֆինանսական աշխարհում՝ Լոնդոնի, Չիկագոյի և Տոկիոյի բորսաներում, ներդրումային հիմնադրամներում, տարբեր երկրների կենտրոնական և առևտրային բանկերում: Իսկ միջազգային սերտիֆիկացումն անհրաժեշտ է այս ամբողջ համակարգում ճանաչում ունենալու համար: Սերտիֆիկացնող կառույցներից ամենահեղինակավորը գտնվում է Լոնդոնում (LBMA ասոցիացիա), ինչպես նաև Չիկագոյի (CME), Դուբայի (DMCC) և Տոկիոյի (TOCOM) բիրժաներում:

Սրմաքեշը նույնիսկ որոշել է՝ եթե այս գործընթացում բանակցությունները չհաջողվեն, ապա Հայաստանը, միևնույնն է, կթողարկի ձուլակտորներ՝ սեփական կնիքով: Նրա խոսքով՝ սերտիֆիկացում չունենալը չի ազդի գործարանի կառուցման վրա:

Գործարարը նաև հավելել է, որ անհրաժեշտության դեպքում կարող են սեփական սերտիֆիկացնող լաբորատորիան հիմնել՝ ներգրավելով Շվեյցարիայի լավագույն տեխնոլոգիաներն ու մասնագետներին, ճշգրտությունը հայտնի է ամբողջ աշխարհում, ուստի լաբորատորիան առանց դժվարության կարող է ստանալ միջազգային հավատարմագրում (ակրեդիտացիա):

Վարդան Սրմաքեշ, Նիկոլ Փաշինյան / ©armeniasputnik.am

Հայաստանում տարեկան արդյունահանվում է շուրջ 3 տոննա ոսկի: Այն հանգամանքը, որ ձեռնարկությունը քիչ հանքանյութի դեպքում կարող է շահույթ չունենալ կամ այն շատ քիչ լինի, Սրմաքեշին չի անհանգստացնում: Նա նշել է, որ անհրաժեշտության դեպքում հումք կարելի է ձեռք բերել Վրաստանից կամ նույնիսկ Աֆրիկայից, իսկ պատրաստի արտադրանքի չափերը տեղափոխման համար լուրջ խնդիր չեն ներկայացնում:

Ոսկու զտման ժամանակ օգտագործվում են մի շարք ռեակտիվներ՝ քիմիական հակազդակներ: Շրջակա միջավայրի նկատմամբ վտանգը բացառելու նպատակով շվեյցարական ընկերությունները գործարանի էկոլոգիական գնահատում կիրականացնեն: Իտալական ընկերությունների հետ բանակցությունների արդյունքում կարգավորված է նաև սարքավորումների մատակարարման հարցը:

Մնում է շինության կառուցումը, ինչի փորձ Սրմաքեշն ունի. Նա իր գործընկերոջ՝ Ֆրանկ Մյուլլերի հետ, Ժնևի մոտակայքում ժամացույցների արտադրամաս են կառուցել՝ հետագայում ընդարձակելով: Գործարարը տեղեկացրել է, որ ներկայումս գործարանի տեղի վերաբերյալ բանակցություններն են տարվում:



Ամենաընթերցվածը

2 րոպե
Խմբագրություն

Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի Սյունիքի մարզի վրա, որպեսզի արգելափակեն Իրանի ճանապարհը դեպի Եվրոպա:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

5 րոպե
Խմբագրություն

Մատակարարված ժամկետնանց հրթիռների մի մասը չեն կրակվել և դուրս են հանվել հաշվեկշռից, իսկ մնացածն ընդհանրապես չեն կիրառվել, այդ թվում՝ 44-օրյա պատերազմի ժամանակ:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.