Սխալմունքը նկատել է դատավորը, որի առաջ դատապարտյալը կանգնել է մեկ այլ գործով՝ փախուստի փորձի համար: Վնասի փոխհատուցման հարցը քննարկվում է, իսկ փաստաբանը կասկած է հայտնել, թե սա կարող է միակ դեպքը չլինել:
Սամոացի 45-ամյա Սիո Ագաֆիլին 5 տարի ավել է մնացել բանտում, քանի որ ոչ նա, ոչ էլ բանտային իշխանությունները չեն հասկացել, որ նրա վերաբերյալ երկու դատավճիռներով սահմանված պատիժը պետք է միաժամանակ կրի, և ոչ՝ հաջորդաբար:
Տղամարդը պատմել է, որ նրան այդպես էլ չեն տեղեկացրել իր ազատազրկման վերջնական ժամկետը: Նա նշել է, որ բանտում կորցրել է ժամանակի հաշվարկը և միայն իմացել է, որ պետք է պատիժ կրի:
2008թ. նոյեմբերին Սիոյին դատապարտել են 7 տարվա ազատազրկման՝ կոտրելով գողություն կատարելու համար: Նույն տարվա դեկտեմբերին դատարանը նրան 5 տարվա ազատազրկման է դատապարտել գողության և կողոպուտի համար: Սամոայի օրենսդրության համաձայն՝ տղամարդը պետք է 2 պատիժները միաժամանակ կրեր և ազատ արձակվեր 2015թ.:
Սխալմունքը նկատել է դատավորը, ում առաջ Ագաֆիլին կանգնել է բանտից փախուստի ժամանակ հարձակման գործով: Ոստիկանությունը դատարանում խոստովանել է, որ տղամարդուն ապօրինի են պահել անազատության մեջ, և նրան ազատ են արձակել գրավի կիրառմամբ:
Ագաֆիլիի փաստաբանի խոսքով՝ ներկայումս նրանք քննարկում են վնասի փոխհատուցման պահանջի դիմումը, քանի որ ազատության իրավունքը խախտված է եղել: Փաստաբանը կասկած է հայտնել, որ երկրում այլ դատապարտյալներ ևս կարող են նման իրավիճակում հայտնված լինել:
Սամոայի բանտային համակարգը պարբերաբար քննադատվում է իրավախախտումների, կաշառակերության և ղեկավարության ոչ կոմպետենտության պատճառով: 2020թ. մարտին այն ամբողջությամբ վերափոխվել է, իսկ ծառայության ղեկավարը հրաժարական է ներկայացրել: Դա տեղի էր ունեցել փախուստների շարքի պատճառով, ինչի արդյունքում 36 մարդ հայտնվել էր ազատության մեջ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…