Հայտնի է, որ սպիտակ գույնով STOP գրառմամբ կարմիր ութանկյունը՝ 2.5 առաջնահերթության նշանը, վարորդին պարտավորեցնում է կանգ առնել նշված գծի վրա, իսկ վերջինի բացակայության դեպքում՝ հատվող մասի ծայրամասում: Իսկ ինչպե՞ս է այն ստացել ներկայիս տեսքը:
Այդպիսի նշանի անհրաժեշտության մասին առաջին անգամ 1900-ականներին խոսել է ՈՒիլյամ Ֆելփս Էնոն՝ Նոր Անգլիայի հարուստներից, ով փորձում է վերացնել ճանապարհային քաոսը: Արդյունքում պարտադիր կանգառի առաջին նշանը հայտնվեց Դեթրոյթում՝ 1915թ.՝ Կաս և Կլիֆորդ փողոցների խաչմերուկում:
Գաղափարը ոչ բոլորին դուր եկավ: Պետխորհրդատուներից մեկը նշեց, որ ոչ մի վարորդ անկյունում չի կանգնի, եթե այնտեղ ոստիկան չկա, ով նրան կկանգնացնի: Ամենաառաջին STOP նշանի լուսանկարը չի պահպանվել, սակայն առկա է 1915թ. Դեթրոյթի Վուդֆորդ-Ջեֆերսոն փողոցների հատման վայրում տեղադրված նշանի լուսանկարը, որտեղ նշանը բնավ ութանկյուն չէ:
Բանն այն է, որ 1923թ. հունվարին ԱՄՆ Տրանսպորտի նախարարության Ավտոմայրուղիների դաշնային վարչությունը Չիկագոյում նիստ է գումարել, որտեղ որոշվել է ներդնել ճանապարհային միատեսակ նշաններ: Հենց այնտեղ էլ STOP-ը ստացել է ութանկյուն տեսք. այն պետք է վարորդների աչքին առավել տեսանելի լիներ: Սակայն գույնը դեղին են որոշել: 1924թ. Փողոցների և մայրուղիների անվտանգության ազգային համաժողովում փորձագետներն առաջարկել և որոշել են այն կարմիր դարձնել:
Եվ դա խնդիր դարձավ, քանի որ դեղին ներկը, որը կարող էր առանց գունաթափման երկար ծառայել, առկա էր մեծ քանակությամբ, մինչդեռ կարմիր գույնի ներկը խիստ հազվադեպ նյութ էր: Խնդրի լուծումը գտնվեց Կալիֆորնիայում. ինժեներները որոշեցին STOP նշանի համար կիրառել ճենապակե էմալ: Այդ օրվանից «Առանց կանգառի ընթացքն արգելվում է» նշանն ամրագրվել է նորմատիվ փաստաթղթերում. կարմիր ութանկյուն, նշանի առնվազն 1/3-ի չափի սպիտակ տառերով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…