Հաստատված նոր դեպքերի թիվը 425 է
Հայաստանում կորոնավիրուսից նախորդ օրը մահացել է 8 մարդ, առողջացել են 295-ը: Փաստացի բուժում է ստանում 10529 պացիենտ:
ՀՀ Առողջապահության նախարարության Հիվանդությունների վերահսկման և կանխարգելման ազգային կենտրոնի հաղորդմամբ՝ Covid-19-ով վարակվածների թիվը Հանրապետությունում հասել է 17489-ի:
Կորոնավիրուսից մահացած մարդկանց թիվը 293 է: Այլ պատճառով մահացածների թիվը հասել է 96-ի: Նախորդ օրը Covid-19-ից մահացած պացիենտները եղել են 81 (կին), 82 (տղամարդ), 65 (կին), 72 (կին), 70 (կին), 63 (տղամարդ), 86 (կին) և 88 (տղամարդ) տարեկան: Բոլորն ունեցել են ուղեկցող քրոնիկական հիվանդություններ։
Վերջին մեկ օրվա ընթացքում առողջացել է 295 մարդ, առողջացածների ընդհանուր թիվը դարձել է 6571: Փաստացի բուժում է ստանում 10529 պացիենտ:
Հիշեցնենք, որ նախորդ օրը Ֆրանսիայից բժիշկների խումբ է ժամանել՝ Հայաստանի առողջապահական համակարգին աջակցելու առաքելությամբ:
Ֆրանսիացի մասնագետները Հայաստանում կմնան 10 օր:
Մեկնաբանությունները