Ժյուրիի անդամները գնահատել են շինարարական արդյունաբերության ստեղծագործական ձեռքբերումները և ճարտարապետական կառուցվածքները: Հազարավոր հայտերից հաղթող են ճանաչվել 12-ը:
«Սավյոլովսկայա» կայարան, Մոսկվայի մետրո / ©stroi.mos.ru
Միջոցառումը կազմակերպել է բրիտանական Շինարարության ինստիտուտը (CIOB): Եզրափակիչ դուրս եկածներից ընտրվել են մեկական հաղթողներ՝ դատավորների կարծիքով և քվեարկության արդյունքում:
«Հասարակական համակրանքի մրցանակին» (Public choice award) արժանացել է Ալեքսանդր Բորմոտինը՝ Մոսկվայի «Սավյոլովսկայա» մետրոյի կայարանի լուսանկարով:
Կայարանը գտնվում է մետրոյի Մեծ շրջանագծում, բացվել է 2018թ. դեկտեմբերի 30-ին:
Ժյուրին հաղթանակ է շնորհել նաև իսպանացի Պեդրո Լուիս Ախուրյագերա Սաիսին: Վերջինս լուսանկարել է Վալենսիայի Գիտության և արվեստի քաղաքը:
Իսպանացու խոսքով` գիշերվա ժամին ջրի միջի արտացոլանքի շնորհիվ շինությունը նմանվում է ձկան, հնարավոր է՝ նախապատմական, որի սիրտը, կարծես, բաբախում է:
Այս երկուսից բացի` ունկնդիրների քվեարկության արդյունքում ընտրվել են նաև այլ աշխատանքներ, որոնք դուրս են եկել եզրափակիչ:
Ռուսաստանցին նշել է, որ նախկինում արհեստական դիմապատերը քիչ էին և ժամանակավոր լուծում, բայց այսօր դրանք քաղաքային բնապատկերի մի մասն են՝ ժամանակ առա ժամանակ փոփոխվելով:
Խոսեի խոսքով` մարդիկ սպասում էին Senhora da Agonia փողոցային փառատոնին, որը Պորտուգալիայի խոշորագույն միջոցառումներից է: Լուսանկարի հեղինակը փողոցից նկատել է այդ պատկերը՝ կամուրջ, կանաչ խաչեր, և շինություն՝ հետին պլանում:
Սանդերը նշել է, որ այս լուսանկարում երևում է հին և նոր ճարտարապետության խաղաղ համադրություն: Դրանք միմյանց դեմ չեն հակամարտում: Ցուցադրված է Համբուրգի ստեղծարար մոտեցումը:
Լուսանկարի հեղինակի խոսքով` La Muralla Roja-ն՝ իսպանական Կալպում պոստմոդեռնիստական բնակելի համալիրը նկարելիս զգացում է ունեցել, որ հայտնվել է Ջորջո դե Կիրիկոյի նկարում. այդպես հեքիաթային է թվացել այդ վայրը: Նրա համոզմամբ՝ սա գույնի և լույսի միություն է, այն, ինչ իրեն լուսանկարում առավել շատ է դուր գալիս և կարևոր նշանակություն ունի աշխատանքում:
Վալլադը հայտնել է, որ մինիմալիսմը որպես հստակություն ապահովող միջոց է կիրառում: Իր մեթոդը դիտողին թույլ չի տալիս շեղվել և պահում է նրա ուշադրությունը լուսանկարի ամենամաքուր տարրերին՝ կառուցվածքին, լույսին, տեքստուրային և նրանց փոխգործակցությանը:
Բեդոյայի խոսքով` մարդու միջամտությունը բնության մեջ միշտ չէ, որ վատ է: Լուսանկարում բնության հանդարտությունն է և պատշգամբը, որտեղից մարդիկ կարող են այն առավել գնահատել:
Լեհ լուսանկարչի խոսքով՝ Վրոցլավում գտնվող Երաժշտության ազգային ֆորումի շենքի ստորգետնյա մուտքի լուսանկարը՝ արված վերևից, ցույց է տալիս ճարտարապետության աքսոնոմետրիայի հրաշալի օրինակ:
Սև Տիրամոր տուն. Պրահային Հին քաղաքում գտնվող շինություն է: Այն նախագծվել և կառուցվել է 1911-1912թթ., Յոզեֆ Գոչարի կողմից և մինչ օրս համարվում է կուբիզմի գլուխգործոցներից մեկը:
Սանդերը համարում է, որ այս լուսանկարը մարդկանց և շինությունների միջև անհրաժեշտ փոխգործակցության օրինակ է: Նրա խոսքով՝ առանց մարդկանց, ովքեր լվանում են շենքի հսկայական ապակիները, կառույցն անշուք տեսք կունենար:
Ռեգանը նշել է, որ սա Արևելյան Սասսեքսում՝ Բեքսլիի ծովային զբոսավայրում գտնվող թաքստոց է՝ անձրևից պաշտպանվելու համար: Այն անհարմար իրավիճակների խնդրի պերճաշուք և գրավիչ լուծում է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…