Կորոնավիրուսի բռնկման պատճառով մարդիկ Google-ում սկսել են որոնել «գարեջուր կորոնա վիրուս»՝ հիվանդությունը կապելով Corona գարեջրի հետ
Շփոթմունքն արդեն մեմերի առիթ է դարձել, բայց եթե ինչ-որ մեկը կասկածի՝ ոչ, Corona գարեջուրը կորոնավիրուսի հետ ոչ մի կապ չունի:
Չինական նոր տեսակի կորոնավիրուսի տարածումը, որին զոհ է գնացել 100-ից ավել մարդ, հանգեցրել է նրան, որ մեծ թվով մարդիկ Google-ում որոնել են հիվանդության մասին տեղեկություններ: Որոնողական համակարգերի արդյունքներն անսպասելիորեն ցույց են տվել կորոնավիրուսը Corona (թագ) գարեջրի հետ կապելու փորձ:
Google Trends-ի տվյալներով՝ հունվարի 18-26-ը «corona beer virus» հարցումն արձանագրել է 2300% աճ: Տարածում են ստացել նաև «beer virus» (գարեջրի վիրուս, 733%) և «beer coronavirus» (գարեջրային կորոնավիրուս, 3200%) հարցումները:
ԱՄՆ Ապրանքների և դեղերի վերահսկողության վարչության նախկին ղեկավար Սքոթ Գոթլիբը գրաֆիկ է ցույց տվել, որտեղ «գարեջուր կորոնավիրուս» հարցումը համեմատվել է «կորոնա» հարցման հետ: Նա զարմացել է՝ մտածելով, թե սպառողներին մոլորեցնելու միջոց է:
Միևնույն ժամանակ Corona գարեջրի հետ կապված հարցումները զիջում են օգտատերերի սովորական հարցերին՝ «ի՞նչ է կորոնավիրուսը», «մահացո՞ւ է կորոնավիրուսը»:
Թեև այս թեմայով արդեն մեմեր են հայտնվել, բայց վստահորեն կարելի է ասել, որ Corona գարեջուրը ոչ մի կապ չունի Չինաստանում բռնկված համաճարակի հետ:
Corona ապրանքատեսակի սեփականատեր Anheuser-Busch InBev ընկերությունը չի մեկնաբանել այդ կապակցությամբ լրագրողների հնչեցրած հարցերին:
Դուք գրել եք արգելված արտահայտություն կամ արգելափակվել եք կրկնվող խախտումների համար։
Հասկացա
Մեկնաբանությունը կասկածելի է թվացել, ուստի հրապարակումից առաջ կստուգվի։
ՀասկացաՄենք կստուգենք մեկնաբանությունը և
անհրաժեշտության դեպքում միջոցներ կձեռնարկենք։
Կանոնների խախտման պատճառով հաշիվը սահմանափակվել է։ Եթե սխալ է՝ գրեք մեզ։
Հասկացա
Վերջին մեկնաբանությունները