Հայտնի են Art of Building 2019-ի հաղթողները. Մոսկվայի մետրոյի «Սավյոլովսկայա» կայարանի նկարը «Հանրային համակրանքի մրցանակ» է վաստակել
Ժյուրիի անդամները գնահատել են շինարարական արդյունաբերության ստեղծագործական ձեռքբերումները և ճարտարապետական կառուցվածքները: Հազարավոր հայտերից հաղթող են ճանաչվել 12-ը:
Միջոցառումը կազմակերպել է բրիտանական Շինարարության ինստիտուտը (CIOB): Եզրափակիչ դուրս եկածներից ընտրվել են մեկական հաղթողներ՝ դատավորների կարծիքով և քվեարկության արդյունքում:
«Հասարակական համակրանքի մրցանակին» (Public choice award) արժանացել է Ալեքսանդր Բորմոտինը՝ Մոսկվայի «Սավյոլովսկայա» մետրոյի կայարանի լուսանկարով:
Կայարանը գտնվում է մետրոյի Մեծ շրջանագծում, բացվել է 2018թ. դեկտեմբերի 30-ին:
Ժյուրին հաղթանակ է շնորհել նաև իսպանացի Պեդրո Լուիս Ախուրյագերա Սաիսին: Վերջինս լուսանկարել է Վալենսիայի Գիտության և արվեստի քաղաքը:
Իսպանացու խոսքով` գիշերվա ժամին ջրի միջի արտացոլանքի շնորհիվ շինությունը նմանվում է ձկան, հնարավոր է՝ նախապատմական, որի սիրտը, կարծես, բաբախում է:
Այս երկուսից բացի` ունկնդիրների քվեարկության արդյունքում ընտրվել են նաև այլ աշխատանքներ, որոնք դուրս են եկել եզրափակիչ:
Օլյա Պլեգովա, Ռուսաստան
Ռուսաստանցին նշել է, որ նախկինում արհեստական դիմապատերը քիչ էին և ժամանակավոր լուծում, բայց այսօր դրանք քաղաքային բնապատկերի մի մասն են՝ ժամանակ առա ժամանակ փոփոխվելով:
Խոսե Պեսոա Նետո, Պորտուգալիա
Խոսեի խոսքով` մարդիկ սպասում էին Senhora da Agonia փողոցային փառատոնին, որը Պորտուգալիայի խոշորագույն միջոցառումներից է: Լուսանկարի հեղինակը փողոցից նկատել է այդ պատկերը՝ կամուրջ, կանաչ խաչեր, և շինություն՝ հետին պլանում:
Վոլկեր Սանդեր, Գերմանիա
Սանդերը նշել է, որ այս լուսանկարում երևում է հին և նոր ճարտարապետության խաղաղ համադրություն: Դրանք միմյանց դեմ չեն հակամարտում: Ցուցադրված է Համբուրգի ստեղծարար մոտեցումը:
Ագնես Սանվիտո, Իսպանիա
Լուսանկարի հեղինակի խոսքով` La Muralla Roja-ն՝ իսպանական Կալպում պոստմոդեռնիստական բնակելի համալիրը նկարելիս զգացում է ունեցել, որ հայտնվել է Ջորջո դե Կիրիկոյի նկարում. այդպես հեքիաթային է թվացել այդ վայրը: Նրա համոզմամբ՝ սա գույնի և լույսի միություն է, այն, ինչ իրեն լուսանկարում առավել շատ է դուր գալիս և կարևոր նշանակություն ունի աշխատանքում:
Ջոնաթան Վալլադ, Մեծ Բրիտանիա
Վալլադը հայտնել է, որ մինիմալիսմը որպես հստակություն ապահովող միջոց է կիրառում: Իր մեթոդը դիտողին թույլ չի տալիս շեղվել և պահում է նրա ուշադրությունը լուսանկարի ամենամաքուր տարրերին՝ կառուցվածքին, լույսին, տեքստուրային և նրանց փոխգործակցությանը:
Դավիդ Մարտին Հուամանի Բեդոյա, Պերու
Բեդոյայի խոսքով` մարդու միջամտությունը բնության մեջ միշտ չէ, որ վատ է: Լուսանկարում բնության հանդարտությունն է և պատշգամբը, որտեղից մարդիկ կարող են այն առավել գնահատել:
Գրզեգորզ Տատար, Լեհաստան
Լեհ լուսանկարչի խոսքով՝ Վրոցլավում գտնվող Երաժշտության ազգային ֆորումի շենքի ստորգետնյա մուտքի լուսանկարը՝ արված վերևից, ցույց է տալիս ճարտարապետության աքսոնոմետրիայի հրաշալի օրինակ:
Դեբդատա Չակրաբորտի, Չեխիա
Սև Տիրամոր տուն. Պրահային Հին քաղաքում գտնվող շինություն է: Այն նախագծվել և կառուցվել է 1911-1912թթ., Յոզեֆ Գոչարի կողմից և մինչ օրս համարվում է կուբիզմի գլուխգործոցներից մեկը:
Վոքեր Սանդեր, Աբու Դաբի
Սանդերը համարում է, որ այս լուսանկարը մարդկանց և շինությունների միջև անհրաժեշտ փոխգործակցության օրինակ է: Նրա խոսքով՝ առանց մարդկանց, ովքեր լվանում են շենքի հսկայական ապակիները, կառույցն անշուք տեսք կունենար:
Ադամ Ռեգան, Մեծ Բրիտանիա
Ռեգանը նշել է, որ սա Արևելյան Սասսեքսում՝ Բեքսլիի ծովային զբոսավայրում գտնվող թաքստոց է՝ անձրևից պաշտպանվելու համար: Այն անհարմար իրավիճակների խնդրի պերճաշուք և գրավիչ լուծում է:
Մեկնաբանությունները