Նորքի ինֆեկցիոն հիվանդանոցում երկու մահվան դեպք է գրանցվել՝ 55 տարեկան կնոջ և 73 տարեկան տղամարդու, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։
Նորքի ինֆեկցիոն հիվանդանոց / © ՀՀ ԱՆ
Առողջապահության նախարար Արսեն Թորոսյանը հայտնել է, որ Նորքի ինֆեկցիոն հիվանդանոցում երկու մահվան դեպք է գրանցվել՝ 55 տարեկան կնոջ և 73 տարեկան տղամարդու, որոնք ունեին կորոնավիրուսային հիվանդություն՝ զուգակցված այլ քրոնիկական հիվանդություններով։ Նախարարի խոսքով՝ բժիշկներն արել են ամեն հնարավորը՝ նրանց կյանքը փրկելու համար, ինչը, ցավոք, չի հաջողվել:
Այսպիսով, Հայաստանում կորոնավիրուսից մահացածների թիվը դարձավ 3: Վարակվածների ընդհանուր թիվը վերջին 24 ժամվա ընթացքում ավելացել է 52-ով՝ դառնալով 424: Առողջացածել է 30 մարդ:
Հաղորդվում է, որ վարակվածներից փաստացի բուժում են ստանում 391-ը:
Հաստատված դեպքերի ամենամեծ թիվն, ինչպես երևում է, մարտի 28-ին է գրանցվել: Բացասական թեստերի քանակը՝ 2054:
Արտերկրում կորոնավիրուսից մահացել է նաև ֆրանսիահայ ականավոր գործիչ, Ֆրանսիայի Օ-դե-Սեն դեպարտամենտի Գլխավոր խորհրդի նախագահ, նախկին նախարար Պատրիկ Դևեջյանը:
UPD. Առողջապահության նախարարության մամուլի քարտուղար Ալինա Նիկողոսյանը հայտնել է, որ Հիվանդությունների վերահսկման և կանխարգելման ազգային կենտրոնի քաղաքային մասնաճյուղի 14 աշխատակիցների մոտ հաստատվել է կորոնավիրուսային հիվանդություն: Նրա խոսքով՝ իրականացվել են կանխարգելիչ բոլոր միջոցառումները:
Նիկողոսյանը նշել է, որ վերջիններս նոր դեպքեր չեն. ներառված են եղել մարտի 28-ի վիճակագրության մեջ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…