Պատերազմի օրերին կատարվել են ավելի քան 5 հազար վիրահատական միջամտություններ, այդ թվում` 500-ն ընդհանուր անզգայացման ներքո: Վիրավորումների 55 %-ը թեթև են եղել, 35 %-ը՝ միջին ծանրության, 7 %ը՝ ծանր, 2 %-ը՝ ծայրահեղ ծանր: Հաշմանդամություն ունեցողների թիվը ներկայումս 885 է։
Ստեփանակերտի հոսպիտալում / © Shantnews
ՀՀ ԶՈւ ռազմաբժշկական վարչության պետի տեղակալ, պլանավորման բաժնի պետ, գնդապետ Գեղամ Փաշիկյանը նշել է, որ աշնանը Արցախի դեմ սանձազերծած պատերազմի հետևանքով հայկական կողմն ունեցել է ընդհանուր առմամբ մինչև 11 հազար վիրավոր: Նրանց թվում են եղել զինծառայողներ, ոստիկաններ, ԱԱԾ սահմանափահ զորքեր, կամավորներ, ովքեր բուժում են ստացել հոսպիտալներում և հիվանդանոցներում:
Հաղորդվում է, որ վիրավորումների 55 %-ը թեթև են եղել, 35 %-ը՝ միջին ծանրության, 7 %ը՝ ծանր, 2 %-ը՝ ծայրահեղ ծանր:
Պատերազմի օրերին, ինչպես նշվում է, իրականացվել են ռեանիմոբիլների 664 տեղափոխություններ, վիրավորների տեղափոխության համար ուղղաթիռների 440 թռիչքներ, կատարվել են ավելի քան 5 հազար վիրահատական միջամտություններ, այդ թվում` 500-ն ընդհանուր անզգայացման ներքո:
ՀՀ ԶՈւ ռազմաբժշկական վարչության պետն իր հերթին հայտարարել է, որ ներկայումս փաստացի բուժում է ստանում մոտ 1500 զինծառայող: Գնդապետ Սահակ Օհանյանի խոսքով` նրանք այժմ գտնվում են վերականգնողական արձակուրդում։
Անդրադառնալով հաշմանդամություն ունեցող զինծառայողների հարցին` Օհանյանը նշել է, որ վիրավորում ստացած զինծառայողների շարքում առաջին, երկրորդ և երրորդ կարգի հաշմանդամություն ունեցողների թիվը ներկայումս 885 է։ Ռազմաբժշկական վարչության պետը հիշեցրել է, որ առաջին և երկրորդ կարգի հաշմանդամներն օգտվում են զինծառայողների ապահովագրության հիմնադրամի աջակցությունից:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…