Ադրբեջանի կողմից Արցախի դեմ պատերազմող վարձու ջիհադիստների ֆինանսավորման համար Պակիստանը, ԱՄՆ-ի հայերի պահանջի համաձայն, պետք է ներառվի համաշխարհային կազմակերպության «սև ցուցակում»:
Ամերիկայի հայկական ազգային կոմիտեն իր թվիթերյան պաշտոնական էջում FATF-ին (Financial Action Task Force) կոչ է արել վերջապես Իսլամաբադին սև ցուցակում ներառել:
Հայտարարությունում նշվում է հետևյալը.
«Հարգելի Ջանեթ Յելլեն, FATF-ում ԱՄՆ-ի ֆինանսների նախարարության ներկայացուցիչը պետք է ճնշում գործադրի այդ հզոր համաշխարհային կազմակերպության վրա, որպեսզի վերջինս ահաբեկչությանը ֆինանսավորելու համար Պակիստանին «սև ցուցակում» ներառի: Մասնավորապես` Ադրբեջանի կողմից Արցախի դեմ պատերազմող վարձու ջիհադիստների ֆինանսավորման համար»:
Բացի այդ` ԱՄՆ-ի հայերը հիշեցրել են ահաբեկիչ Ահմեդ Օմար Սայիդ Շեյխին ազատ արձակման վերաբերյալ Պակիստանի դատարանի որոշման մասին (Սայիդ Շեյխն առևանգել և գլխատել էր The Wall Street Journal թերթի ամերիկացի լրագրող Դանիել Պեռլին):
Պակիստանին FATF-ի «սև ցուցակում» ներառելու մասին որոշումը հավանական է համարվում այնքանով, որ ամերիկացի լրագրողին սպանած ահաբեկչի ազատ արձակման որոշման պատճառով լարված են ԱՄՆ-Պակիստան հարաբերությունները: Ընդ որում, չնայած ամերիկյան կողմի ճնշումներին, պակիստանյան դատարանները չեն պատրաստվում փոխել որոշումը, ինչպես նաև ահաբեկչին արտահանձնել ԱՄՆ-ին:
FATF-ը (Financial Action Task Force) միջկառավարական կազմակերպություն է, որը 1989 թվականից սկսած զբաղվում է հանցավոր եկամուտների լվացման և ահաբեկչության դեմ պայքարի ոլորտում չափորոշիչների մշակմամբ ու վերահսկողությամբ: Խմբի աշխատանքներում ընդգրկված են 37 երկրներ, ինչպես նաև երկու միջազգային կազմակերպություններ` Եվրահանձնաժողովը և Պարսից ծոցի արաբական երկրների համագործակցության խորհուրդը:
FATF-ի խնդիրներն Իսլամաբադի հետ սկիզբ են առել 2018թ.-ից: Մինչ օրս Պակիստանը կազմակերպության «սև ցուցակում է»: Սակայն ի տարբերություն Իրանի և Հյուսիսային Կորեայի` պակիստանցիներին վերջնական չեն արգելափակել: Չնայած, որ Պակիստանը տասնամյակներ շարունակ աջակցում է ահաբեկչական խմբավորումներին, երկիրը «չոր գոտում» է` շնորհիվ ազդեցիկ ընկերների` Թուրքիայի, Չինաստանի, Մալայզիայի և այլն:
Այդուհանդերձ` Իսլամաբադը չի կարող հեշտությամբ ֆինանսավորում ստանալ Եվրամիությունից, ԱՄՀ-ից, Համաշխարհային և Ասիական զարգացման բանկերից:
2020թ. փետրվարին պակիստանցիներին վերջին նախազգուշացումն է տրվել` մինչև հունիս կատարելու FATF-ի գործողությունների պլանի բոլոր պայմանները: Սակայն համավարակի պատճառով ժամկետը երկարացվել է: 2021թ. փետրվարին նախատեսված է խմբի հերթական հանդիպումը, որտեղ բարձրացվելու է Պակիստանի հարցը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…