«Թուրքական հոսքով» ռուսական գազը կհասնի Թուրքիա, Հարավային և Արևելյան Եվրոպա: Իսկ նոյեմբերի 30-ին արդեն բացվել է TANAP-ը՝ ադրբեջանական գազը հասցնելով Եվրոպա:
Թուրքիայի նախագահ Ռեջեփ Թայիփ Էրդողանը հայտարարել է, որ հունվարի 8-ին Ստամբուլում տեղի կունենա «Թուրքական հոսքի» բացման արարողությունը: Այս հայտարարությունը Թուրքիայի նախագահն արել է նոյեմբերի 30-ին՝ Էդիրնեում, ադրբեջանական գազը Եվրոպա տեղափոխող TANAP-ի (Տրանս-անատոլիական գազատար) բացման ժամանակ:
Օրերս ՌԴ նախագահի մամուլի քարտուղար Դմիտրի Պեսկովը հայտնել է, որ Վլադիմիր Պուտինը նույնպես մասնակցելու է «Թուրքական հոսքի» բացման արարողությանը: Նրա խոսքով` երկու երկրների նախագահներն այդ մասին պայմանավորվել են նաև վերջերս՝ հեռախոսազանգով:
Նախորդ շաբաթ հաղորդվել էր, որ գազատարի վրա ավարտվում են բացթողնման համակարգերի աշխատանքները: «Գազպրոմն» արդեն լցրել է զույգ խողովակները՝ Անապայից մինչև Քըյըքյոյ շրջանի մերձափնա հատվածում: Խողովակներից յուրաքանչյուրն ունի 15,75 մլրդ խմ հզորություն: Դրանք անցնում են Սև ծովի հատակով: Խողովակներից մեկը նախատեսված է թուրքական սպառման համար, իսկ մյուսը ռուսական գազը հասցնելու է Հարավային և Արևելյան Եվրոպա:
Եվրոպայում «Թուրքական հոսքի» գազն անցնելու է Բուլղարիա-Սերբիա-Հունգարիա ուղղությամբ: Այն 402 կմ երկարություն ունի և 12,87 մլրդ խմ թողունակություն: Գլխավոր պատվիրատուն Gastrans-ն է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…