Հոգեբանները նշել են կանանց կողմից «անկեղծ» հագուստը սիրելու պատճառները
Մասնագետների կարծիքով՝ կանանց կողմից «անկեղծ» հագուստի ընտրությունը բնորոշ է նյութական բարձր շերտավորվածությամբ երկրներում և կապված է սոցիալական կարգավիճակն ընդգծելու ցանկության հետ:
Մելբուրնի համալսարանից Խանդիս Բլեյքն իր գործընկերների հետ փորձարկում է իրականացրել 38 երկրից 300 մարդկանց մասնակցությամբ: Յուրաքանչյուր մասնակից ներառվել է տնտեսական իրական մոդելին համապատասխան ստեղծված երևակայական համայնքներից մեկում:
Կամավորականներին խնդրել են արտահայտել հասարակությունում իրենց սոցիալական կարգավիճակից բխող անհանգստության աստիճանն ու ընտրել դրան համապատասխան հագուստ: Առաջարկվել են չկրկնվող տարբերակներ՝ պահպանողականից մինչև անկեղծ:
Հետազոտությունը ցույց է տվել, որ առավել անկեղծ հագուստ ընտրելը բնորոշ է տնտեսապես անհավասար հասարակության կանանց և պայմանավորված է իր սոցիալ-տնտեսական վիճակից բխող անհանգստությամբ:
Այսպես, հոգեբանները կարծում են, որ նյութական շերտավորման դեպքում կանայք ձգտում են օգտագործել իրենց գրավչությունը՝ որպես գործիք նպատակներին հասնելու համար:
Մեկնաբանությունները