Հայաստանը ժողովրդավարական ցուցիչով 2018թ. եղել է 103-րդ տեղում, իսկ 2019-ին առաջընթաց է գրանցել՝ զբաղեցնելով 86-րդ հորիզոնականը: Վրաստանն 89-րդ տեղում է, Թուրքիան՝ 110, Ռուսաստանը՝ 134, Ադրբեջանը՝ 146-րդ, իսկ Իրանը 151-րդ տեղում է:
Բողոքի ակցիա Երևանում / ©radiovan.fm
The Economist Group-ի հետազոտական և վերլուծական The Economist Intelligence Unit բաժինը հրապարակել է 2019 թ-ի ժողովրդավարության ցուցիչը (Democracy Index 2019): Դրա համաձայն՝ Հայաստանը 167 երկրների շարքում զբաղեցրել է 86-րդ հորիզոնականը՝ առաջ անցնելով բոլոր հարևաններից, այդ թվում՝ Վրաստանից:
Ժողովրդավարական ցուցիչի հիմքում ընկած է 5 կատեգորիա՝ ընտրական գործընթաց և բազմակարծություն, կառավարության գործունեություն, քաղաքական ներգրավվածություն, քաղաքական մշակույթ և քաղաքացիական ազատություններ:
The Economist-ի փորձագետները, հաշվի առնելով այդ կատեգորիաները, երկրները դասել են 4 տեսակի՝ «ամբողջական ժողովրդավարություն», «անկատար ժողովրդավարություն», «հիբրիդային ռեժիմ» և «հեղինակապաշտական ռեժիմ»:
Այս զեկույցում Հայաստանը դասվել է «հիբրիդային ռեժիմների» ցանկին: Ընդհանուր միավորը՝ 5.54, ընտրական գործընթացի և բազմակարծության միավորը՝ 7.50, կառավարության գործունեությունը՝ 5.36, քաղաքական ներգրավվածությունը՝ 6.11, քաղաքական մշակույթը՝ 3.13, քաղաքացիական ազատությունները՝ 5.59: Այս տվյալներով՝ Հայաստանը զբաղեցրել է 86-րդ հորիզոնականը: 2018թ. Ժողովրդավարական ցուցիչով Հայաստանը 103-րդ տեղում էր:
Զեկույցում որպես Հայաստանի իշխանության օրակարգ է նշվում կոռուպցիայի դեմ պայքարը և տնտեսության զարգացումը: Բացասական հանգամանք է համարվում Արցախյան չլուծված հակամարտությունը:
Հարևան երկրներից Վրաստանում և Թուրքիայում նույնպես «հիբրիդային ռեժիմ» է: Այդ երկրները համապատասխանաբար 89-րդ և 110-րդ տեղում են: Ռուսաստանը 134-րդ տեղում է՝ «հեղինակապաշտական ռեժիմով» (Authoritarian regime), Ադրբեջանը 146-րդ տեղում է, իսկ Իրանում «հեղինակապաշտական ռեժիմ» է և 151-րդ տեղում է:
Ժողովրդավարական ցուցիչով ամենաբարձր հորիզոնականներում են երկրները՝ Նորվեգիան, Իսլանդիան, Շվեդիան: Ապա Նոր Զելանդիան է, որին կրկին հաջորդում են սկանդինավյան երկրները՝ Ֆինլանդիա, Դանիա: Առաջատարների թվում են նաև Կանադան, Ավստրալիան և Շվեյցարիան:
ԱՄՆ-ը «անկատար ժողովրդավարություն» ունեցող երկրների շարքում է՝ 25-րդ հորիզոնականում: Իսկ ամենավերջին՝ 167-րդ տեղում Հյուսիսային Կորեան է:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…