Տարածվել են տեսանյութեր, որտեղ երևում է, թե ինչպես են ադրբեջանցիները Մոսկվայում հարձակվում հայկական համարներով մեքենաներում գտնվողների վրա, անխնա ծեծում նրանց: Տեղի հայերն արդեն սկսել են պատժել ադրբեջանցիներին:
Մոսկվայում գիշերը լարված է անցել. ադբեջանական զանգվածները հարձակվել են միայնակ հայերի վրա, ծեծել նրանց, կոտրել հայկական համարանիշներով մեքենաները: Այդ ամենը նկարահանել են անձամբ հանցագործ ադրբեջանցիները:
Ավելի ուշ ադրբեջանական փողոցային հարձակումներին միջամտել են ռուսական հատուկ նշանակության ուժերը: Ռուսաստանի հայերի միությունը հաղորդում է, որ ձերբակալվել են ավելի քան 50 ադրբեջանցիներ:
Տեղեկություններ կան, որ կազմակերպիչը ոմն Քամիլ Զեյնալին է, ով բացահայտ դիմել է իր հայրենակիցներին՝ «հայերին չխնայելու» կոչով:
Հայերի վրա հարձակումներ գործած ադրբեջանցիները նկարահանել են իրենց վայրագությունները: Ստորև տեղադրված տեսանյութերը պարունակում են հայհոյախառն արտահայտություններ:
Հաղորդվում է, որ տեղի հայերը պատրաստվում են պատժել ադրբեջանցիներին և վրեժ լուծել: Տարածվել են տեսանյութեր, թե ինչպես են Մոսկվայի հայերն իրենց մեքենաներով ուղևորվում դեպի այնտեղ, որտեղ տարվել են ձերբակալված ադրբեջանցիները:
Հայերն արդեն սկսել են վրեժխնդիր լինել՝ կազմակերպիչներին ցուցադրելով իրենց «պատժիչ գործողությունները» (հայհոյանքներ):
Տեղեկություններ կան, որ ներկայումս Մոսկվայի տվյալ հատվածներում (Մարյինո, Բրատիսլավսկայա, Լյուբլինո) հսկում են իրավապահ մարմինները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…