Ճապոնական 18-մետրանոց ռոբոտն առաջին քայլերն է արել
Ճապոնացի ինժեներները ցուցադրել են աշխարհի ամենաբարձրահասակ մարդանման Gundam ռոբոտի որոշ շարժումներ:
Gundam ռոբոտը ճապոնական հնարված ֆանտաստիկ աշխարհի մարդանման ռոբոտների դիմակայության մասին նույնանուն անիմե-ֆրանշիզայի կերպարն է, 1979թ. նկարահանված 50 սերիալների ու ֆիլմերի, մանգաների ու տեսախաղերի հերոսն է: Վերջերս ռոբոտը սակավաթիվ, բայց տեսախցիկներով զինված հանրության առաջ ցուցադրել է մեխանիկական վերջույթների շարժումը:
Դեռևս անգլուխ ռոբոտի բնութագիրը հետևյալն է՝ բարձրություն՝ ավելի քան 18,2 մ, դաստակից մինչև մատը՝ մոտ 2 մ: Գլխի հետ միասին այն կշռում է շուրջ 25 տոննա: Մշակողները նշել են հսկայի վերջույթների ազատության 24 մակարդակների մասին: Նշվում է, որ դրա շնորհիվ ռոբոտը գործնականում կարող է տեղաշարժվել ցանկացած տեղանքում:
Ճապոնական Gundam Factory Yokohama-ն մարդանման հսկա ռոբոտի կառուցումը սկսել է այս տարվա հունվարից: Ի սկզբանե հսկայական ռոբոտի հանդիսավոր «զբոսանքը» լայն հանրության առաջ նախատեսված էր հոկտեմբերին: Կորոնավիրուսը խախտել է ժամկետները՝ ինժեներներին ստիպելով փոփոխել այն: Աշխատանքները շարունակվում են, և Gundam ֆրանշիզայի երկրպագուները, ռոբոտային տեխնիկայի սիրահարները և նրանք, ովքեր անտարբեր չեն այսպիսի երևույթների նկատմամբ, մի ակնթարթ կկարողանան տեսնել ռոբոտին:
Մեկնաբանությունները