2000-ից ավելի մասնակից աշխարհի 70 երկրից, 20-ից ավելի նախարարական պատվիրակություն, միջազգային խոշոր կազմակերպություններ:
Հոկտեմբերի 6-9-ը Երևանում առաջին անգամ կկայանա WCIT 2019 Տեղեկատվական տեխնոլոգիաների համաշխարհային 23-րդ համաժողովը: Միջոցառումը կազմակերպել է Առաջատար տեխնոլոգիաների ձեռնարկությունների միությունը՝ ՀՀ կառավարության բարձր հովանու ներքո և աջակցությամբ: Այն խոշորագույն իրադարձություն է Հայաստանի և հայկական բարձր տեխնոլոգիական ընկերությունների համար:
Միջոցառմանը մասնակցելու համար աշխարհի 70 երկրից Հայաստանն ընդունել է 2000-ից ավելի հյուրերի, Google, Facebook, Microsoft, GIPHY և միջազգային բազմաթիվ այլ խոշոր կազմակերպությունների ներկայացուցիչներ: Երևան են ժամանելու նաև շուրջ 20 պաշտոնական պատվիրակություն՝ նախարարների, փոխվարչապետերի գլխավորությամբ, համաշխարհային համբավ ունեցող գործիչներ, տեղի է ունենալու նախարարական կլոր սեղան:
Կարեն Դեմիրճյանի անվան մարզահամերգային համալիրում կայանալիք WCIT 2019 համաժողովիn բանախոսությամբ հանդես են գալու ամերիկահայ հեռուստաաստղ Քիմ Քարդաշյանը, գործարար Ալեքսիս Օհանյանը, ՌԴ հարկային ծառայության ղեկավար Միխայիլ Միշուստինը, GIPHY-ի հիմնադիր Ալեքս Չունգը, Սերժ Թանկյանը, Յուրի Ջորկայֆը, մի շարք համաշխարհային փորձագետներ:
Մասնագետները նշում են, որ WCIT-ն աշխարհի այն մի քանի միջազգային մակարդակի ֆորումներից է, որոնք լուրջ ներկայացվածություն են ունենում:
Նմանատիպ բարձրակարգ միջոցառումների անցակցումը Երևանում արդեն իսկ կարևոր ձեռքբերում է: Ոլորտի ներկայացուցիչները նշում են, որ այստեղ կարևոր են ոչ թե հայտարարությունները, այլ միջազգային խոշոր ընկերությունների կողմից Հայաստանի ընկերությունների հնարավորությունները տեսնելը:
Մասնագետները համոզված են, որ հայկական ընկերություններն ունեն մեծ պոտենցիալ, նրանց արտադրանքն անպայման հետաքրքրելու է օտարերկրյա կազմակերպություններին:
WCIT 2019-ն ունի նաև իր հավելվածները՝ Google Play-ում և App Store-ում:
WCIT-ը ՏՏ և ծառայությունների համաշխարհային դաշինքի ամենանշանավոր միջոցառումն է, որտեղ տեխնոլոգիական ոլորտի առաջատարները՝ ներդրողներ, գործադիր տնօրեններ, պաշտոնյաներ, գիտնականներ, տեխնոլոգներ, հանդիպում են ամենամյա միջոցառմանը՝ քննարկելու ոլորտում առկա իրավիճակը, զարգացման ուղղությունը և ապագայի համար դրա կարևորությունը։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…