Քիմ Քարդաշյանը կրկին Երևան կգա՝ WCIT-ին մասնակցելու
Քիմ Քարդաշյանը բավականին մեծ լսարան ունի՝ 240 մլն-ից ավել հետևորդներ: Քարդաշյանը նաև հաջողակ գործարար է, ուստի մասնակցությունը կարևոր է միջոցառման համար:
Ամերիկահայ հեռուստաաստղ Քիմ Քարդաշյանը կմասնակցի հոկտեմբերի 6-9-ը Երևանում կայանալիք, «Ապակենտրոնացման ուժը. ակնկալիք և վտանգ» խորագիրը կրող WCIT 2019 ՏՏ 23-րդ համաշխարհային համաժողովին՝ որպես հիմնական հատուկ զեկուցող և բանախոս:
Հաղորդվում է, որ Քիմ Քարդաշյան-Վեսթը հանդես է գալու «Գաղափարների շուկա» լիագումար նիստում, որտեղ կքննարկվի ապակենտրոնացված տեխնոլոգիաները նպաստավոր ազդեցությունը ժամանցի, մեդիայի և լրագրության ժողովրդայնացմանը, ինչպիսի փոփոխություններ են կրել արվեստի, տեղեկատվության տարածման մեթոդները՝ նոր աստղեր պատրաստելու ճանապարհին:
Քիմ Քարդաշյան-Վեսթը նաև հարցազրույց է տալու: WCIT 2019-ի կազմակերպիչ, Յուքոմ ընկերության համահիմնադիր Ալեքսանդր Եսայանը նշել է, որ Քիմ Քարդաշյանը բավականին մեծ լսարան ունի՝ 240 մլն-ից ավել հետևորդներ: Եսայանի խոսքով՝ Քարդաշյանը նաև հաջողակ գործարար է, ուստի մասնակցությունը կարևոր է միջոցառման համար:
ՀՀ Բարձր տեխնոլոգիական արդյունաբերության նախարար Հակոբ Արշակյանն էլ հաղորդում է, որ WCIT 2019 Yerevan Նորարարական կլոր սեղանին մասնակցելու համար Հայաստան են ժամանելու նաև 20 երկրների բարձր տեխնոլոգիաների ոլորտի պատասխանատու նախարարներ:
Ինչպես հաղորդվում է՝ WCIT-ը ՏՏ և ծառայությունների համաշխարհային դաշինքի ամենանշանավոր միջոցառումն է, որտեղ տեխնոլոգիական ոլորտի առաջատարները՝ ներդրողներ, գործադիր տնօրեններ, պաշտոնյաներ, գիտնականներ, տեխնոլոգներ, հանդիպում են ամենամյա միջոցառմանը՝ քննարկելու ոլորտում առկա իրավիճակը, զարգացման ուղղությունը և ապագայի համար դրա կարևորությունը։
Մեկնաբանությունները