2020թ. սեպտեմբերի 27-ին, ժամը 00:00-ի սահմաններում, DDOS հարձակումներ են սկսվել «Ղարաբաղ Տելեկոմի»սերվերային ցանցի վրա: Հարուցված քրեական գործի շրջանակներում պարզվել է, որ ընկերության համակարգչային համակարգ մուտք գործելու թույլտվություն ունեցել են օտարերկրյա երեք քաղաքացի և միջազգային մեկ կազմակերպություն:
«Ղարաբաղ Տելեկոմի» գրասենյակում / © Hetq.am
Ինչպես հայտնի է, Արցախի դեմ սանձազերծված պատերազմի հենց առաջին օրերից «Ղարաբաղ Տելեկոմի» կապն աշխատել է խափանումներով: Համարվել է, որ Արցախի տարածքում գործող օպերատորը ենթարկվել է ադրբեջանցի հաքերների հարձակմանը։
Արցախի դատախազության հաղորդմամբ` հաքերային հարձակման վերաբերյալ տեղեկությունների հիման վրա քրեական գործ է հարուցվել, որի շրջանակներում պարզվել է, որ 2020թ. սեպտեմբերի 27-ին, ժամը 00:00-ի սահմաններում, անհայտ անձը (կամ անձինք), ով չի ունեցել «Ղարաբաղ Տելեկոմի» համակարգչային համակարգ և ցանց մուտք գործելու թույլտվություն, համակարգչային DDOS հարձակումներ է գործել ընկերության սերվերային ցանցի վրա:
Նշվում է, որ ապօրինի մուտք գործելով համակարգչային համակարգ` վնասվել է ընկերության վիրտուալ համակարգը, խափանվել սերվերների գործունեությունը, ջնջվել տեղեկատվական համակարգում պահվող տեղեկությունները, շարքից հանվել բջջային կանխավճարային համակարգը։ Հաքերը, ինչպես նշվում է, տիրացել է նաև համակարգչային համակարգում պահվող տեղեկատվությանը` հանգեցնելով ծանր հետևանքների:
Դատախազության հաղորդմամբ` հարուցվել է քրեական գործ` Արցախի քրեական օրենսգրքի 264-րդ հոդվածի 3-րդ մասով (համակարգչային սաբոտաժը) և 265-րդ հոդվածի 3-րդ մասի 3-րդ կետով (համակարգչային տեղեկատվությանն ապօրինի տիրանալը) նախատեսված հանցագործության հատկանիշներով:
Շեշտվում է, որ «Ղարաբաղ տելեկոմի» հետ կնքված ծառայությունների մատուցման վերաբերյալ պայմանագրերի շրջանակում ընկերության համակարգչային համակարգ մուտք գործելու թույլտվություն ունեցել են օտարերկրյա երեք քաղաքացի և միջազգային մեկ կազմակերպություն: Այս կապակցությամբ, ինչպես հաղորդվում է, հետաքննություն է ընթանում։
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…