Սամվել Բաբայանը հայտարարել է, որ Ռուսաստանը Հայաստանին տրամադրել է գնված 24 միավոր ՏՈՌ-երից միայն 6-ը, իսկ 6 միավոր ԲՈՒԿ-երից 5-ը չեն աշխատել: Նրա խոսքով` ռուս մասնագետները դրանք վերանորոգելու համար Հայաստան կարող էին գալ միայն նոյեմբերի 3-ին, աշխատանքներն ավարտել` նոյեմբերի 10-ին:
ՏՈՌ Մ2ԿՄ / © Արծրուն Հովհաննիսյան
Արցախի պաշտպանության նախկին նախարար Սամվել Բաբայանը հայտարարել է, որ Ռուսաստանը միտումնավոր է ուշացրել զինամթերքի տրամադրումը, որպեսզի Հայաստանը պարտվի:
Նրա խոսքով` դեռևս Նիկոլ Փաշինյանի իշխանության գալուց առաջ Հայաստանը 200 մլն դոլարի վարկ էր վերցրել Ռուսաստանից` նրանից ՏՈՌ համակարգեր գնելու նպատակով: Բաբայանը նշել է, որ հայ մասնագետները ՏՈՌ համակարգերը ներկայացրել են որպես լավագույնը, իսկ քաղաքական ղեկավարությունը համաձայնել է դրանք ձեռք բերել:
Սամվել Բաբայանը շեշտել է, որ պատերազմից առաջ Արցախում արդեն առկա են եղել 6 միավոր ՏՈՌ համակարգեր, և սպասվել է, որ հայկական կողմը կստանա 24 միավորից ևս 18-ը: Առկա 6 միավորից 4-ը պատերազմի սկզբում ոչնչացվել են թշնամու ԱԹՍ-ներով:
Բաբայանի խոսքով` ևս 6 միավոր Արցախը ստացել է նոյեմբերի 2-ին: Սակայն Արցախի ԱԱԽ նախկին գլխավոր քարտուղարը հարցադրում է հնչեցնում, թե ինչո՞ւ Ռուսաստանն ընդամենը 6-ը տրամադրեց, այլ ոչ թե 18-ը, որոնց դիմաց հայկական կողմն արդեն վճարել էր:
Բաբայանը հայտնել է նաև, որ հոկտեմբերի 21-ին ռուսական կողմը պատրաստականություն է հայտնել 102-րդ ռազմաբազայից փոխանցել 6 միավոր ԲՈՒԿ-Մ1 համակարգեր: ԲՈՒԿ-երի հաշվարկներն ուղարկվել են Արցախ և նախապատրաստվել են մարտի, սակայն պարզվել է, որ այդ 6 միավորներից 5-ն անսարք են:
Այնուհետև, Բաբայանի խոսքով, պարզվել է, որ ռուսաստանի վերանորոգողները կարող են ժամանել միայն նոյեմբերի 3-ին, իսկ վերանորոգումից հետո համակարգերը հայկական կողմին կարող են հատկացնել միայն նոյեմբերի 10-ին: Բաբայանը հիշեցրել է, որ հոկտեմբերի 26-27-ին ակտիվ բանակցություններ են ընթացել, որտեղ ադրբեջանական կողմը պնդել է, որ հասնելու է Շուշի: Բաբայանը համոզված է, որ նրանք մտադիր են եղել «ժամանակ ձգել»:
ՀՀ ԱԺ արտահերթ ընտրություններին մասնակցող քաղաքական ուժի ղեկավարը նշել է, որ նրանք, ովքեր Փաշինյանին մեղադրում են պատերազմը չդադարեցնելու մեջ, պետք է հասկանան, որ պատերազմը կանգնեցնելը Փաշինյանից կախված չի եղել:
Բաբայանը համարում է, որ դաշնակիցը պարտավոր էր զինտեխնիկան ժամանակին տրամադրել, ինչի համար նախապես վճարված էր: Սակայն դա չի արել, որպեսզի Հայաստանը պարտվի: Հետագայում նման իրավիճակներից խուսափելու համար Բաբայանն առաջարկում է դաշնակից պետության հետ ճանապարհային քարտեզ կազմել` հասկանալու, թե ինչ սպասել և թե «էլ որտեղ է Հայաստանին մեջքից հարվածելու»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…