Վրաստանի Քվեմո Փոնիճալա բնակավայրի մոտակայքում անհայտ անձինք քարերով ջարդել են հայկական բեռնատարների դիմային ու կողային ապակիները և փախել դեպքի վայրից։ Վրաստանի ներքին գործերի նախարարությունում քրեական գործ է հարուցել:
Բեռնատարներ / © Ati.su
Վրաստանում Հայաստանի դեսպանությունը հաստատել է տեղեկությունները, որ գիշերը դեպի ՀՀ սահման շարժվող հայկական բեռնատարների ուղղությամբ քարեր են նետվել` վնասելով մեքենաները և դիմելով փախուստի: Դեսպանության հաղորդմամբ` դեպքը տեղի է ունեցել Վրաստանի Քվեմո Փոնիճալա բնակավայրի մոտակայքում:
Նշվում է, որ անհայտ անձինք քարերով ջարդել են որոշ բեռնատարների դիմային ու կողային ապակիները և փախել դեպքի վայրից։ Դեսպանությունը հայտնում է, որ դեպքից հետո բեռնատարները պարեկային ոստիկանության ուղեկցությամբ հասել են վրաց-հայկական սահման և հատել այն։
Վրաստանի ներքին գործերի նախարարությունում քրեական գործ է հարուցել։ Նշվում է, որ Վրաստանում Հայաստանի դեսպանությունը մշտական կապի մեջ է տեղի պատկան մարմինների հետ և միաժամանակ ակտիվ աշխատանք է կատարում մեղավորներին օրենքի շրջանակներում պատասխանատվության ենթարկելու և նման դեպքերի կրկնությունը բացառելու նպատակով:
Հիշեցնենք` ավելի վաղ տեղեկություն էր հաղորդվել, որ Վրաստանի Մառնեուլի քաղաքի մոտ ադրբեջանցիները քարերով հարվածել են հայկական բեռնատարներին:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…