Չնայած թուրքական իշխանությունների խոչընդոտներին` քրդական շարժման մասնակիցները միջոցառումներ են կազմակերպում տարբեր նահանգներում. հունիսի 7-ին հավաքվելու են Դիարբեքիրում: Նրանք պահանջում են քրդերենը պաշտոնական լեզու հռչակել իշխանության բոլոր մարմիններում և դարձնել ուսուցման լեզու բոլոր բուհերում:
Ցուցարարները պահանջում են քրդերենը պաշտոնական լեզու հռչակել Թուրքիայում / © Hawarnews
Քրդական քաղաքական կուսակցությունները և լեզվի տարածման հաստատությունները գործընթաց են սկսել` թուրքական իշխանություններից պահանջելով քրդերենը ճանաչել որպես պաշտոնական լեզու: Ի պատասխան այդ պահանջի` կառավարությունը սահմանափակումներ է մտցրել նրանց նկատմամբ:
Ժողովուրդների քրդական դեմոկրատական կուսակցությունը (ԺԴԿ) և քրդական մի շարք այլ կուսակցություններ սկսել են ակցիաներ ու ցույցեր իրականացնել քրդաբնակ շրջաններում (Թուրքիայի հարավ-արևելք)` պահանջելով քրդերեն լեզուն ճանաչել որպես պաշտոնական լեզու:
Թուրքական Ջիզրեի շրջանի անվտանգության ուժերը Շըրնակ նահանգում քաղաքական գործիչներին և ակտիվիստներին թույլ չեն տվել հավաքվել Բիրքա Բելեք այգում, սակայն նրանք հավաքվել են Ջիզրեում գտնվող ԺԴԿ-ի գրասենյակի դիմաց:
Շարժման մասնակիցները նախօրեին հավաքվել էին նաև Վանի նահանգում, իսկ հունիսի 7-ին միջոցառումներ են նախատեսում իրականացնել Դիարբեքիրում (Ամիդ):
Ինչպես հաղորդվում է, շարժման ընթացքում քրդերը կազմակերպում են քրդական երգեր ու պարեր, կարգախոսեր` պնդելով պաշտոնապես ճանաչել իրենց լեզուն:
Կազմակերպիչները քրդերենի ճանաչման պահանջի համար օգտագործում են տարբեր հարթակներ, այդ թվում` համացանցային: Նրանք հանրագիր են մեկնարկել change.org կայքում` նպատակ ունենալով հավաքել 25 հազար ստորագրություն: Ներկայումս հանրագրին միացել է 23 հազար մարդ:
Շարժումն առաջնորդող կազմակերպությունների հայտարարությունում նշվում է, որ քրդերեն լեզվի նկատմամբ քաղաքական ճնշումներին վերջ դնելու նպատակով իրենց չեն սահմանափակվելու իրավական կարգավորման պահանջներով. նրանք նաև պնդելու են, որ գործնականում բոլոր խոչընդոտները վերացվեն: Հայտարարության համաձայն` քրդերենը պաշտոնական լեզու պետք է դառնա իշխանության բոլոր մակարդակներում ու մարմիններում, ինչպես նաև ուսուցման լեզու` բոլոր բուհերում:
Քրդական լեզուն Թուրքիայում պաշտոնապես արգելվել է մոտ 100 տարի առաջ` հանրապետության ստեղծման պահից: Լեզվի նկատմամբ սահմանափակումը մեղմացել է 2013թ.-ից` կառավարության և Քրդական աշխատավորական կուսակցության (ՔԱԿ) միջև մեկնարկած խաղաղ գործընթացի ժամանակ:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…