ՌԴ պաշտպանության նախարար Սերգեյ Շոյգուն անդրադարձել է Սիբիրի խնդրին, առաջարկել քննարկել Ռուսաստանի մայրաքաղաքը տեղափոխելու հարցը, նախազգուշացրել է, որ հասարակության տարանջատումը երկրի համար լրջագույն սպառնալիք է: Այս և այլ հայտարարություններ տեղիք են տվել ենթադրելու, որ նա դիրքավորվում է որպես Ռուսաստանի ապագա նախագահ:
ՌԴ պաշտպանության նախարար Սերգեյ Շոյգուն վերջին օրերին մի քանի անգամ հայտարարություններ է արել այնպիսի հարցերի վերաբերյալ, որոնք դուրս են իր պաշտոնական լիազորությունների շրջանակից: Այս հանգամանքը տեղիք է տվել ենթադրելու, որ նա դիրքավորվում է որպես Ռուսաստանի ապագա նախագահ: Շեշտվում է, որ դա հնարավոր է բացառապես գործող նախագահի «օրհնությամբ»:
Շոյգուն առաջինն է անդրադարձել Սիբիրի յուրացման խնդրին` առաջարկելով քննարկել Ռուսաստանի մայրաքաղաքը տեղափոխելու հարցը: Նա նաև նախազգուշացրել է, որ հասարակության տարանջատումը երկրի համար լրջագույն սպառնալիք է:
Ներկայումս պաշտպանության նախարարը համոզված է, որ Ռուսաստանը պետք է գործադրի բոլոր ջանքերը` թույլ չտալու 1990-ականների տնտեսական իրավիճակի կրկնություն:
Ինչ վերաբերում է Պուտինին, ապա Շոյգուի կողմից հնչեցված թեմաներից և ոչ մեկը չեն հակադրվում գործող նախագահին: Իրականում համարվում է, որ Շոյգուն Պուտինի ամենահավատարիմ կողմնակիցն է: Ինչպես հայտնի է, նրանք միասին են արձակուրդն անցկացրել, իսկ նախարարը Պուտինի հոդվածը (ռուսների և ուկրաինացիների պատմական միասնականության մասին) դարձրել է ընթերցանության պարտադիր նյութ ռուս զինծառայողների համար:
Թեև ՌԴ պաշտպանության և մյուս նախարարները նախկինում էլ հաճախ են շոշափել իրենց ոլորտին չվերաբերող հարցեր, սակայն Շոյգուի դեպքում դա մեկնաբանվում է որպես ազդանշան Վլադիմիր Պուտինի կողմից: Ենթադրվում է, որ այսպիսով Շոյգուն «փորձարկվում է» Պուտինի հետնորդը դառնալու համար, և ի ցույց են դրվում նրա մտածողությունն ու զարգացվածությունը:
Իսկ թե ինչպիսին կլինի Ռուսաստանի ապագան, միանշանակ պնդումները հանգում են նրան, որ այն որոշելու է ոչ թե պաշտպանության նախարարը, այլ` Պուտինը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…