Ադրբեջանցիներն այս պահին կրակում են Կութ գյուղի ուղղությամբ. աղբյուր (upd.) — Շեշտ.am (shesht.am)
6 րոպե
Խմբագրություն

Ադրբեջանցիներն այս պահին կրակում են Կութ գյուղի ուղղությամբ. աղբյուր (upd.)

Հաղորդվում է, որ ադրբեջանական զինված ուժերն այս պահին կրակ են վարում Գեղարքունիքի մարզի Կութ գյուղի ուղղությամբ:

Հայ զինծառայողներ / © ՀՀ ՊՆ

Հաղորդվում է, որ ադրբեջանական զինված ուժերն այս պահին կրակ են վարում Գեղարքունիքի մարզի Կութ գյուղի ուղղությամբ:

Ինչպես նշվում է, այսօր հայ-ադրբեջանական սահմանի արևելյան հատվածում ակտիվ փոխհրաձգության ընթացքում ադրբեջանական կողմից թիրախավորվել է նաև Գեղարքունիքի մարզի Կութ գյուղը: Աղբյուրի հաղորդմամբ` գյուղի ուղղությամբ կրակոցներն այս պահին շարունակվում են:

Հիշեցնենք, որ այսօր, ժամը 18:10-ի սահմաններում, ադրբեջանական ԶՈւ ստորաբաժանումները դիմել են սադրանքի` տարբեր տրամաչափի հրաձգային զինատեսակներից կրակ բացելով հայ-ադրբեջանական սահմանի Գեղարքունիքի հատվածում տեղակայված հայկական դիրքերի ուղղությամբ:

Ծավալված ինտենսիվ փոխհրաձգության հետևանքով հակառակորդի կրակոցից մահացու հրազենային վիրավորում է ստացել ՀՀ ԶՈւ զինծառայող, 2002թ. ծնված, շարքային Արման Հովհաննեսի Հակոբյանը:

ՀՀ ՊՆ հաղորդմամբ` հայկական կողմի ձեռնարկած պատասխան գործողությունների արդյունքում հակառակորդն ունի առնվազն երեք զոհ և վիրավոր:

Ադրբեջանցիները սադրանքի էին դիմել նաև հայ-ադրբեջանական սահմանի նախիջևանյան ուղղությամբ, Երասխի հատվածում. ժամը 09:50-ի սահմաններում հակառակորդի դիպուկահարի արձակած կրակոցից մահացու հրազենային վիրավորում է ստացել ՀՀ ԶՈւ զինծառայող, 1975թ. ծնված, ավագ ենթասպա Վահան Դիմիկի Թաթոսյանը:

Հայկական կողմի ձեռնարկած պատասխան գործողությունների արդյունքում հակառակորդն այստեղ նույնպես կորուստներ էր կրել:

Անհանգիստ է եղել նաև Սև լճի հատվածում. օգոստոսի 16-ի գիշերը ադրբեջանական ստորաբաժանումները փորձել են այդ ուղղությամբ դիրքային առաջխաղացում ապահովել:

Ինչպես հաղորդվում է, հայ դիրքապահներն իրականացրել են հակազդող գործողություններ, ինչի արդյունքում հակառակորդը ետ է շպրտվել ելման դիրքեր: Ծավալված փոխհրաձգության ընթացքում հակառակորդը տվել է առնվազն մեկ զոհ: Հայկական կողմից տուժածներ չկան:

UPD 1. ՀՀ մարդու իրավունքների պաշտպանի հաղորդմամբ` ադրբեջանական զինված ուժերն այս պահին ուղիղ նշանառությամբ կրակում են Գեղարքունիքի մարզի Կութ գյուղի վրա:

Թաթոյանը նշում է, որ ուղիղ կրակում են նաև Նորաբակ գյուղի վրա: Կրակոցները ինտենսիվ են ու տարբեր տրամաչափի զինատեսակներից: Բնակիչները փորձում են պատսպարվել: Նրա խոսքով` ադրբեջանական զինված ուժերի այս արարքները հանցավոր են, ուղիղ դիտավորությամբ ուղղված են մարդկանց կյանքից զրկելուն, խաթարում են մարդկանց անվտանգությունն ու խաղաղությունը:

UPD 2. Թաթոյանը հայտարարել է, որ, համաձայն ստացվող ահազանգերի , այս պահին ադրբեջանական զինված ուժերը կրակում են Սոթքի լեռնանցքի ուղղությամբ:

Մարդու իրավունքների պաշտպանը շեշտել է, որ նշված վայրում տեղակայված են հողմակները: Տարածքը, ինչպես հաղորդում է, գտնվում է Գեղարքունիքի մարզի Գեղամասար համայնքի Սոթքի լեռնանցքի շրջանում (200 հա հողամաս), որը ՀՀ կառավարությունը 2000թ. դեկտեմբերի որոշմամբ տրամադրել է ՀՀ-ում իրավական գրանցում ունեցող ընկերությանը և կնքել 30 տարի ժամկետով վարձակալության պայմանագիր՝ ապահովելով գույքային իրավունքների պետական գրանցումը:

Արման Թաթոյանի խոսքով` ադրբեջանական զինված ուժերն անօրինական են ներկա ՀՀ գործարար ընկերությանը պատկանող տարածքում, որտեղից պարբերաբար թիրախավորում են Սոթքի ոսկու հանքավայրը, Գեղամասար համայնքը և ՀՀ զինված ուժերի դիրքերը: Իրենց անօրինական ներկայությամբ ՀՀ գործարար ընկերությանը, ինչպես նշում է, ադրբեջանցիները պատճառել են շուրջ 5 մլն ԱՄՆ դոլարի վնաս:

Ամենաընթերցվածը

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

2 րոպե
Խմբագրություն

«Շիրակ» օդանավակայանի վերակառուցումից հետո փաստացի թողունակությունը կազմում է 700 հազար ուղևոր մեկ տարում՝ նախկին 200 հազարի փոխարեն: Ժամանման նոր սրահ է բացվել, վերանորոգվել է նաև թռիչքավայրէջքային ուղին:

2 րոպե
Խմբագրություն

Հանրապետության նախագահը Ֆրանսիայի Շամոնի քաղաքում անցկացվող «Մտքերի գագաթնաժողովի» բացմանը շուրջ 100 երկրների ներկայացուցիչների պատմել է հայ զինվորների խիզախության, անձնուրացության, Արցախի դեմ պատերազմի, Թուրքիայի կողմից Ադրբեջանին ցուցաբերված աջակցության մասին:

3 րոպե
Խմբագրություն

Պատերազմի օրերին ադրբեջանցիները հայտնաբերել են հայկական օդուժի հարցման-պատասխանի ստացման առանձնահատկություններն ու ծածկագրերը և դրանք տեղադրել իրենց գրոհայինների վրա: Հսկայական կորուստներ կրելուց հետո հայկական կողմն անջատել է «ճանաչման» համակարգը` թիրախավորելով բոլոր ինքնաթիռներն ու ուղղաթիռները, այդ թվում` հայկական:

1 րոպե
Խմբագրություն

Հաղորդվում է, որ ինտենսիվ կրակոցներ են հնչում Արցախի Թաղավարդ գյուղի հատվածում, լսվել են պայթյունի ձայներ: Հնարավոր է համարվում, որ կիրառվում են ականանետեր:

4 րոպե
Խմբագրություն

Ենթադրվում է, որ կրկնվելու է Վրաստանի օրինակը. Հայաստանը, հավանաբար, կստանա Լեռնային Ղարաբաղը՝ այս կամ այն տեսքով, իսկ Ռուսաստանը վերջնականորեն կկորցնի Ադրբեջանը:

1 րոպե
Խմբագրություն

Ադրբեջանցի զինծառայողը ներխուժել է Մարտակերտի տներից մեկը: Տանը եղել են միայն երկու երեխաներ: Նրանցից մեկը կարողացել է զանգահարել ոստիկանություն, որոնք ժամանել և ձերբակալել են ադրբեջանցուն:

6 րոպե
Խմբագրություն

Պակիստանն ու Աֆղանստանը կմիավորվեն Պուշտունիստան պետության մեջ: Իրանը կկործանվի. նրա տարածքում կառաջանան իրանական Ադրբեջան, Պարսկաստան, Թուրքմենստան և Բելուջիստան պետությունները: Թուրքիան կմասնատվի. Քուրդիստանը Դիարբեքիր մայրաքաղաքով կանկախանա, Հայաստանին կվերադարձվեն արևմտյան տարածքները, Հունաստանը կազատագրի Կիպրոսը և այլն:

3 րոպե
Խմբագրություն

Պատերազմի օրերին ադրբեջանցիները հայտնաբերել են հայկական օդուժի հարցման-պատասխանի ստացման առանձնահատկություններն ու ծածկագրերը և դրանք տեղադրել իրենց գրոհայինների վրա: Հսկայական կորուստներ կրելուց հետո հայկական կողմն անջատել է «ճանաչման» համակարգը` թիրախավորելով բոլոր ինքնաթիռներն ու ուղղաթիռները, այդ թվում` հայկական:

[miniorange_social_login]

Մեկնաբանությունները

Գրել մեկնաբանություն
Հաստատեք
Մուտք գործեք
Մուտք գործելով Դուք համաձայնվում եք կայքի օգտագործման օրենքների հետ.