Ռուսաստանի պաշտպանության նախարարությունը Բաքվին ուղղված նամակում հայտնել է, որ Լեռնային Ղարաբաղում «Իսկանդեր-Մ» հրթիռ չի կիրառվել: Ալիևը, սակայն, դժգոհել է` Մոսկվայից բացատրություն պահանջելով, թե ինչպես են հրթիռները հայտնվել Հայաստանի զինված ուժերում:
Ադրբեջանը Ռուսաստանի պաշտպանության նախարարությունից նամակ է ստացել Հայաստանում «Իսկանդեր-Մ» հրթիռների մասին, սակայն, ինչպես հաղորդվում է, «բավարարված չէ նամակում նշված տեղեկատվությամբ»: Ռուսական ՊՆ-ն Ադրբեջանի նախագահին տեղեկացրել է, որ Լեռնային Ղարաբաղի հակամարտության ժամանակ այդպիսի հրթիռներ չեն արձակվել:
Ալիևը, մասնավորապես, դժգոհել է, որ ռուսական կողմի պատասխանում հերքվում է բալիստիկ հրթիռի արձակումը: Ադրբեջանի նախագահը նշել է, որ դա ամբողջ պատասխանը չէ, քանի որ հիմնական հարցն այն է, թե ինչպես են Հայաստանի զինված ուժերում հայտնվել «Իսկանդեր-Մ» տեսակի հրթիռներ:
Ալիևի խոսքով` հայկական կողմը չէր կարող 500 կմ հեռահարությամբ «Իսկանդեր-Մ» հրթիռներ ունենալ, քանի որ հայկական զինված ուժերում միայն «Իսկանդեր-Է» հրթիռներն են, որոնց հեռահարությունը 280 կմ է: Նրա պնդմամբ` այդ հրթիռային համակարգերը կամ տրամադրվել են Հայաստանին, կամ հափշտակվել և անօրինական ճանապարհով դուրս են բերվել Ռուսաստանից:
Ադրբեջանի նախագահը ստեղծված իրավիճակն անվանել է «տհաճ և ցավ ու զարմանք առաջացնող»: Ալիևը շեշտել է, որ Ռուսաստանն ու Ադրբեջանը ռազմավարական գործընկերներ են, և որ ռուս խաղաղապահները տեղակայված են «Ադրբեջանի տարածքում»:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…