ԵԽԽՎ-ում ռուսներն ու սերբերը դեմ և ձեռնպահ են քվեարկել գերիների հարցն օրակարգում ներառելուն
Հայ գերիների ու տեղահանված անձանց հարցը ԵԽԽՎ լիագումար նիստի օրակարգում ներառելուն, թուրքերից ու ադրբեջանցիներից բացի, դեմ են քվեարկել նաև ԵԽԽՎ-ում Ռուսաստանի պատվիրակության մի քանի անդամներ, ինչպես նաև Սերբիայի ներկայացուցիչներից մի քանիսը: Ռուսական պատվիրակության մյուս անդամները ձեռնպահ են քվեարկել:
Ադրբեջանում պահվող հայ ռազմագերիների հարցն ընդգրկվեց Եվրոպայի խորհրդի խորհրդարանական վեհաժողովի օրակարգում. հարցը կքննարկվի ապրիլի 20-ին` ԵԽԽՎ լիագումար նիստում: Օրակարգում հարցի ներառմանը կողմ է արտահայտվել 93 պատգամավոր, դեմ` 21, ձեռնպահ` 18:
Քվեարկության արդյունքներին անդրադարձել է ՀՀ Ազգային ժողովի անկախ պատգամավոր Արման Բաբաջանյանը` նշելով, որ հայ գերիների ու տեղահանված անձանց հարցը ԵԽԽՎ լիագումար նիստի օրակարգում ներառելուն, թուրքերից ու ադրբեջանցիներից բացի, դեմ են քվեարկել նաև ԵԽԽՎ-ում Հայաստանի ռազմավարական դաշնակից Ռուսաստանի պատվիրակության մի քանի անդամները, ինչպես նաև Սերբիայի ներկայացուցիչներից մի քանիսը:
Ռուսական պատվիրակության մյուս անդամները, Բաբաջանյանի հաղորդմամբ, ձեռնպահ են քվեարկել: Որևէ խմբակցությունում չընդգրկված պատգամավորի նաև հիշեցրել է, որ նոյեմբերի 9-ի եռակողմ հայտարարության կետերի, այդ թվում` գերիների վերադարձի վերաբերյալ 8-րդ կետի իրագործումը հենց Ռուսաստանի միջազգային հեղինակության հարցն է:
Մեկնաբանությունները