Պատվաստման պահին այն դեռ գրանցված չէր, այդ պատճառով առաջինը հենց նախարարության ղեկավար կազմն է պատվաստվել. հետպատվաստումային անսպասելի որևէ երևույթ չի գրանցվել:
Ռուսական «Սպուտնիկ V» պատվաստանյութով Հայաստանում առաջինը պատվաստվել է Առողջապահության նախարարության ղեկավար անձնակազմը, այդ թվում՝ նախարար Արսեն Թորոսյանը: Նախարարության հաղորդմամբ՝ կորոնավիրուսային վարակի դեմ պատվաստվածների շրջանում հետպատվաստումային անսպասելի որևէ երևույթ չի գրանցվել, բոլորի ինքնազգացողությունը լավ է:
Նշվում է, որ Covid-19-ի դեմ «Սպուտնիկ V» պատվաստանյութը կլինիկական փորձարկումների ընթացքում բավարարել է անվտանգությանը և արդյունավետությանը ներկայացվող պահանջները: Սակայն, ինչպես հաղորդվում է, պատվաստանյութի ստացման պահին այն դեռ գրանցված չէր, այդ պատճառով առաջինը հենց նախարարության ղեկավար կազմն է պատվաստվել:
Հիշեցնենք, որ «Սպուտնիկ V» պավաստանյութի օրինակները Հայաստանին որպես նվիրատվություն էին տրվել նոյեմբերի 21-ին՝ ՌԴ առողջապահության նախարար Միխայիլ Մուրաշկոյի կողմից՝ ՀՀ առողջապահության նախարարությանը նվիրաբերված շարժական լաբորատորիայի բացման հանդիսավոր արարողություն ժամանակ:
Հայաստանի առողջապահական գերատեսչությունն իր խորը երախտագիտությունն է հայտնել Ռուսաստանի Դաշնությանը՝ վարակիչ հիվանդությունների, այդ թվում՝ COVID-19-ի դեմ պայքարի շրջանակներում փոխշահավետ համագործակցության համար՝ ակնկալելով, որ գործընթացը կլինի շարունակական՝ ի նպաստ երկու երկրներում հանրային առողջության ապահովմանը:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…