Իրանը Թուրքիայի և Ադրբեջանի սահմաններին ՀՕՊ ուժերի զորավարժություն կանցկացնի

«Թուրքիայից և Ադրբեջանից օդային հարձակման դիմակայություն» դիպաշարով անցկացվելիք լայնածավալ զորավարժությունները նախատեսված էին հունվարի 10-ին, սակայն հայտնի է դարձել, որ դրանք հյուսիս-արևմտյան սահմանների մոտ կմեկնարկեն արդեն այսօր:

Նորություններ

# Զորավարժություններ

# Իրան

# ՀՕՊ

Sevom Khordad ԶՀՀ / © IRNA / Հեղինակ՝ անհայտ, լուսանկարը տրամադրել է օգտատերը

Իրանի Իսլամական Հանրապետությունը երկրի հյուսիս-արևմտյան սահմանների մոտ հակաօդային պաշտպանության ստորաբաժանումների լայնածավալ զորավարժություն կանցկացնի, որոնց նպատակն այդ սահմանային հատվածում զինված ուժերի պատրաստվածության ստուգումն է:

Իրանական աղբյուրներն ավելի շուտ հաղորդել էին, որ զորավարժությունը տեղի է ունենալու հունվարի 10-ին, սակայն, WarGonzo-յի տեղեկություններով, դրանք կմեկնարկեն արդեն այսօր՝ դեկտեմբերի 30-ին:

Ուշագրավ է, որ վարժանքներն անցկացվելու են Արդեբիլ, Արևելյան և Արևմտյան Ատրպատականներ նահանգներում, այսինքն՝ Թուրքիայի և Ադրբեջանի (այդ թվում՝ Նախիջևանի) սահմանների երկայնքով:

Իրանի իշխանությունները նշված նահանգների բնակիչներին տեղեկացրել են, որ «հակառակորդի օդային հարվածների դիմակայության» դիպաշարով պայմանավորված՝ գործարկվելու են օդային տագնապի համակարգերը:

Հիշեցնենք՝ դեկտեմբերի 10-ին Բաքվում Թուրքիայի նախագահը բանաստեղծություն էր արտասանել՝ տարածքային նկտրումներ արտահայտելով Իրանի նկատմամբ: Թեհրանը շատ կոշտ էր արձագանքել դրան: Թեև լարվածությունը մեղմացնող հայտարարություններ հնչեցին, սակայն իրանական կողմն, ամեն դեպքում, լուրջ անհանգստություններ ունի՝ կապված նաև իսրայելաամերիկյան սպառնալիքի հետ:

Վրիպա՞կ գտաք։ Նշեք հատվածը և սեղմեք Ctrl + Enter։