Հայաստանը կարող է ունենալ իր սեփական տիեզերական ծրագրերը, արբանյակները, տիեզերանավերը: Այդ նպատակին հասնելու համար մշակվել է օրենսդրական փաթեթ և տարվում են բանակցություններ:
«Թռչող ափսե»՝ Բյուրականի աստղադիտարանի տարածքում / ©old.hetq.am
Կառավարության նիստում ՀՀ Բարձր տեխնոլոգիական արդյունաբերության նախարար Հակոբ Արշակյանը հայտարարել է, որ նախատեսվում է Հայաստանում տիեզերական գործունեության իրականացումը ազատել հարկերից: Հավանություն է տրվել «Տիեզերական գործունեության մասին» օրենքի և հարակից օրենքների նախագծերի փաթեթին: Այն կներկայացվի Ազգային ժողով:
Հակոբ Արշակյանը նշել է, որ տիեզերական հետազոտությունների և արդյունաբերության համար անհրաժեշտ է կանոնակարգել տիեզերական գործունեությունը: Նախարարի խոսքով՝ ոլորտի զարգացումը կօժանդակի տնտեսության այլ ոլորտների զարգացմանը: Ներկայումս Հայաստանում տիեզերական գործունեությունը կարգավորվում է միայն միջազգային իրավունքի նորմերով:
Նախարարն առաջարկել է տիեզերական գործունեությունը դարձնել լիզենզավորվող և հարկային արտոնություն սահմանել մինչև 2030թ.: Հակոբ Արշակյանի պնդմամբ՝ այդ բնագավառում պասիվությունն ազդում է պետական ընդհանուր բյուջեի մուտքերի վրա:
Որոշման նախագիծը ենթադրում է Հայաստանում տիեզերական ոլորտի ստեղծում և խրախուսում: Կառավարության կանխատեսմամբ՝ այն կապահովի նոր աշխատատեղերի ու ենթակառուցվածքների ստեղծում: Արդյունքում՝ կձևավորվի ոլորտի մասնագետների սերունդ, իսկ վերջնարդյունքում Հայաստանը կկարողանա սեփական տիեզերական ծրագրերն իրականացնել, ունենալ հայկական տիեզերանավեր ու արբանյակներ: Նախարարը նշել է, որ ներկայումս երկու ընկերությունների հետ այս առնչությամբ բանակցություններ են վարում: Դրանք զբաղվում են արբանյակների հավաքմամբ և թեստավորմամբ:
Հավելենք, որ ներկայումս տիեզերական գործունեության ոլորտում համագործակցության վերաբերյալ համաձայնագիր է ստորագրված Անկախ պետությունների համագործակցության շրջանակներում: Այն արդեն ստորագրել են ԱՊՀ երկրների մեծ մասը:
Տիեզերքի համատեղ ուսումնասիրությունների և դրա հետ կապված այլ գործառույթների ներդաշնակ իրականացման համար կարգավորումներ են սահմանված նաև Եվրասիական տնտեսական միության պայմանագրով:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…