Ցուցարարները պահանջում էին Կառավարության հրաժարականը, արտահերթ ընտրություններ և Ընտրական օրենսգրքի փոփոխություն: Հատուկջոկատայինները ջրցան մեքենաներով նրանց հեռացրեցին Խորհրդարանի շենքի տարածքից:
Վրաստանի մայրաքաղաքում վերջին օրերին քաղաքացիները դուրս էին եկել փողոց: Ցուցարարները նոյեմբերի 17-ի երեկոյան շրջափակել էին Խորհրդարանի շենքը, փակել էին Թբիլիսիի մի շարք փողոցներ: Սակայն նոյեմբերի 18-ին Վրաստանի ոստիկանական հատուկջոկատայինները հատուկ նշանակության միջոցների կիրառմամբ բացեցին Խորհրդարանի մուտքը՝ բռնի ուժով ցրելով ցույցերը:
Բողոքի ցույցը ցրելուց հետո Խորհրդարանի մուտքն այսպիսի տեսք ունի, հրավիրել է արտահերթ նիստ.
Ընդհանուր առմամբ՝ նոյեմբերի 18-ի ժամանակագրությունը հետևյալն է.
— Գիշերը ցուցարարները Խորհրդարանի մուտքը փակել են երկաթե ձողերի ու ավազով լցված պարկերի միջոցով.
— Նախագահի նախկին թեկնածու Գրիգոլ Վաշաձեն իր շուրջն է համախմբել կողմնակիցներին և կազմել կենդանի պատ.
— Ցուցարարները դիմում են ոստիկանությանը՝ կոչ անելով չենթարկվել հրամաններին.
— Ներքին գործերի նախարարությունը վերջին նախազգուշացումն է հայտարարում.
— Հատուկ նշանակության ջոկատայինները մոտենում են շենքին.
— Մուտքի մոտ տեղադրված վրանային ճամբարը ջրցան մեքենաների օգնությամբ ուժայիններն ապամոնտաժում են.
— Բազմաթիվ ցուցարարներ են ձերբակալվել.
— Եվ վերջում՝ Խորհրդարանի մուտքը բաց է, նախատեսվում է արտահերթ նիստի գումարում:
Դեռևս ամռան ամիսներին, հակառուսական տրամադրություններով պայմանավորված, Վրաստանի քաղաքացիներն իշխանություններից պահանջում էին վերանայել Ընտրական օրենսգիրքը: Այն ժամանակ վրաց կառավարությունը խոստացել էր փոխել ներկայիս խառը՝ մեծամասնական և համամասնական ընտրակարգը և սահմանել միայն համամասնական ընտրակարգ:
Ընդդիմադիր գործիչներն իշխող «Վրացական երազանք» կուսակցության ղեկավար, միլիարդատեր Բիձինա Իվանիշվիլիին մեղադրում էին մեծամասնական ընտրակարգի միջոցով դիրքերն ամրապնդելու մեջ և պահանջում էին փոխել կարգը: Այս կապակցությամբ իշխող կուսակցությունը Խորհրդարան էր բերել օրենսդրական փոփոխությունների նախագիծ:
Նոյեմբերի 14-ին Վրաստանի խորհրդարանում նախագիծը չընդունվեց բացակա պատգամավորների պատճառով: Սա հանգեցրեց բողոքի նոր ալիքի, ինչն էլ վերածվեց զանգվածային ցույցերի:
Քաղաքացիները դուրս եկան փողոցներ, փակեցին դրանք, շրջափակեցին Խորհրդարանի շենքը և լրացրեցին պահանջը՝ Ընտրական օրենսգրքի փոփոխությանը գումարելով Կառավարության հրաժարականն ու արտահերթ ընտրությունները:
Իրանական աղբյուրը տեղեկացնում է, որ Թուրքիան ու Բաքուն մտադրություն են ունեցել հանկարծակի հարձակում ձեռնարկել Հայաստանի…
Քանի դեռ վերլուծական շրջանակներում փորձում են վեր հանել Իրանի և Ադրբեջանի միջև լարվածության իրական պատճառներն…
Ռուսական խաղաղապահ ստորաբաժանումն Արցախի «Հյուսիս» տեղանքում հրադադարի հնարավոր խախտումների կանխման և դիտակետերի անվտանգության ապահովման վարժանքներ…
Լճի ափամերձ եզրագիծը նահանջել է 1 կմ-ով, ջրի մակարդակն ընկել է 22-23 մ-ով: Ցամաքած հատվածներում…
Վարչապետ Փաշինյանի նախկին խորհրդական Լևոն Մազմանյանն ուշագրավ վերլուծություն է հրապարակել իր ֆեյսբուքյան էջում, որտեղ անդրադարձել…
Ի հեճուկս Ալիևի փորձերին՝ «Լեռնային Ղարաբաղ» անվանումը միջազգային փաստաթղթերից դուրս մղելու ուղղությամբ, Ստրասբուրգում ընդունվել է…